12:59 13 Жетинин айы 2019
Түз эфир
  • USD69.8469
  • EUR77.0062
  • RUB1.0939
Добуш берип жаткан шайлоочунун архивдик сүрөтү

Өзбек бийлиги президенттик шайлоодо чет өлкөдө 44 шайлоо тилкесин ачат

© Sputnik / Табылды Кадырбеков
Азия
Кыскача шилтеме алуу
Өзбекстандагы президенттик шайлоо (21)
87 0 0

Буга чейин аталган өлкө төрт саясий партия жарышка катыша турганын билдирген.

БИШКЕК, 3-окт. — Sputnik. Өзбекстандын Борбордук шайлоо комиссиясы президенттик шайлоо учурунда чет өлкөлөрдө 44 шайлоо тилкесин ачуу чечимин кабыл алды. Бул туурасында РИА Новости кабарлады.  

2-сентябрда Өзбекстанды чейрек кылым башкарып турган Ислам Каримов 78 жашында дүйнө салып, анын кызматын убактылуу аткарып туруу премьер-министр Шавкат Мирзиёевге жүктөлгөн. 

"БШК Өзбекстандын президентин шайлоо боюнча 44 шайлоо тилкесин ачуу чечимин кабыл алды жана алардын баары №14 Ташкент шаардык шайлоо аймагына карайт",— деп айтылат маалыматта.

Эми БШКнын алдында саясий партиялар тарабынан берилген кол коюла турган кагаздардын туура түзүлгөнүн текшере турган топ ишке кирмей болду. 

Буга чейин аталган саясий жарышка катышуу чечимин кабыл алган төрт партия өздөрүнүн жыйынын өткөргөн.

Өзбекстандын либералдык-демократиялык партиясы Шавкат Мирзиёевди көрсөтсө, "Милли тикланиш" ("Улуттук кайра жаралуу") улуттук демократиялык партиясы — парламенттин мыйзам чыгаруу палатасынын төрагасынын орун басары Сарвар Отамурадовду, Өзбекстандын Элдик-демократиялык партиясы — Хотамжон Кетменовду, "Адолат" ("Адилет") социалдык-демократиялык партиясы Наримон Умаровду көрсөткөн. Талапкерлер партиялардын октябрь айында боло турчу жыйынында бекитилет.

Учурда талапкерлерди колдоо үчүн кол топтоо жүрүп жатат, ал октябрдын 20сында аяктайт. Өзбекстандагы мыйзамдарга ылайык, партиялар шайлоочулардын (214,35 миң шайлоочу) жалпы санынын 1 пайыздан кем эмес сандагы колун топтошу керек. 

Тема:
Өзбекстандагы президенттик шайлоо (21)

Тема боюнча

Өзбекстанда президенттикке талапкерлерди көрсөтүү башталды
Өзбекстан бир да аскердик блокко кошулбаган саясатын улантат
Белгилер:
саясий партиялар, президенттик шайлоо, Шавкат Мирзиеев, Ислам Каримов, Өзбекстан

ЭҢ МААНИЛҮҮ