15:01 12 Жетинин айы 2019
Түз эфир
  • USD69.8426
  • EUR77.0294
  • RUB1.0928
Алматы атышуудан кийин. Архив

Алматыда кандуу калаба уюштурган киши полицияны өч алуу үчүн өлтүргөн

© REUTERS / Shamil Zhumatov
Азия
Кыскача шилтеме алуу
Алматынын борборундагы атышуу (21)
217 0 0

Теракт жасоо алдында мурда эки ирет соттолгон киши кек сактап жүргөн кишисин – өзбекстандык аялды тындым кылган.

БИШКЕК, 19-июл. — Sputnik. Алматыда теракт жасады деп шектелип жаткан киши сурак учурунда мындай кадамга тартип коргоо органдарынан өч алуу максатында баргандыгын айтты. Бул туурасында Казакстандын ички иштер министри Калмуханбет Касымов билдирген. 

Теракт жасоо алдында мурда эки ирет соттолгон киши кек сактан жүргөн кишисин – өзбекстандык аялды тындым кылган. 

"Суракта ал мурда түрмөдө отургандыгы үчүн өч алгандыгын айтып жатат. Аны баары бир кармашаарын билгенден кийин полиция кызматкерлерин да өлтүрүүнү чечкен",— деп министр журналисттерге айтып берди. 

Касымов кармалган шектүүгө операция жасалгандыгын, ал жактоочунун көзүнчө дарыгердин уруксаты менен суракка алынгандыгын айтты. 

ИИМдин маалыматына караганда, кармалган киши талап-тоноочулук кылгандыгы жана курал сактагандыгы үчүн 5 жыл 11 айга эркинен ажыратылган. Абакта отурган учурунда оңолуу жолуна түшүүгө аракеттенбегендигин айтышты. 

Шектүү киши Алматыга январь айында келип, батир жалдап, курал алып жүргөн. 

Касымов ага карата Кылмыш кодексинин төрт беренеси менен кылмыш иши козголгондугун айтты. 

ИИМден террорчунун колунан каза болгон беш жарандын бирөө, жай жаран деп эсептелип жаткан киши Казакстандын Чек ара кызматынын кызматкери экендигин айтышты. 

Касымов шаардын ооруканасында жаткандардын санын тактады.

"Учурда ооруканада полициянын алты кызматкери, үч жай жаран жана атышууну уюштурган киши жатат", — деди ал.

18-июлда саат 11лерде куралчан адам Алматы шаарындагы Алмалы райондук полициясына кирүүгө аракет кылып, ал жердеги кызматкерди жарадар кылып, автоматын алып качкан. Андан ары жеңил автоунааны тартып алууга аракет кылып, ээсине ок жаңылып, мерт болгон.

Казакстан бийлигинин маалыматында бул калабадан 5 адам өлгөн. Алардын үчөө полиция кызматкери, бирөө Казакстандын Чек ара кызматынын өкүлү, бирөө жай жаран. 

Бийлик бул окуяга теракт деп баа берди. Кандуу калабаны уюштурган Кызыл-Ордо облусунда туулган 26 жаштагы жаран болуп чыкты. Окуя болгондо күч түзүмдөрү шаарга алгач терроризмдин эң жогорку коркунучу жаралды деп кызыл деңгээл киргизилген.

Кечке жуук, террорчулукка каршы операциялар жүргүзүлүп, аны сары түскө түшүрүштү. 

Тартип коргоо органдарынан кол салууну ал киши жалгыздап жүргүзгөндүгүн билдиришти.

Алматы шаарынын борборунда болгон атышуунун кесепеттерин Sputnik Кыргызстан агенттигинин сүрөт түрмөгүнөн көрүңүздөр>>

Тема:
Алматынын борборундагы атышуу (21)

Тема боюнча

Алматы хроникасы: курал саткан дүкөндөр жабылып, банктар ишин токтотту
Алматыдагы кол салуудан полициянын 3 кызматкери жана бир жаран каза болду
Белгилер:
кызыл деңгээл, деңгээл, террорчу, операция, кол салуу, өлүм, полиция, Алматы, Казакстан

ЭҢ МААНИЛҮҮ