Катарлык мүнүшкөрлөрдү Көчмөндөр оюндарына чакырышты

© пресс-служба МИД КРКыргызстандын дипломаттары Катарда.
Кыргызстандын дипломаттары Катарда. - Sputnik Кыргызстан
Жазылуу
Элчинин айтымында, Кыргызстан менен Катарды мүнүшкөрлүк өнөр бириктирип турат. Ал үстүбүздөгү жылдын күз айында өтө турган Көчмөндөр оюндары тууралуу айтып, катарлыктарды чакырды.

БИШКЕК, 1-фев. — Sputnik. Кыргызстандын Катардагы элчиси Нуран Ниязалиев катарлыктарды Дүйнөлүк көчмөндөр оюндарына жигердүү катышууга чакырганын Тышкы иштер министрлиги билдирди.

Малайзиялык сүрөтчү: чыныгы бүркүтчүлүк өнөрү кыргыздарда сакталып калган
Дипломат Дохада өткөн Экинчи эл аралык мүнүшкөрлүк ветеринариясына арналган конференцияга катышкан. Ал ушул күздө өтө турган Экинчи дүйнөлүк көчмөндөр оюндары тууралуу айтып, ага куш таптоо өнөрү улуттук спорттун түрү катары киргенин маалымдады. Андан соң элчи катарлыктарды аталган иш-чарага жигердүү катышууга чакырды.

Дохадагы конференция мүнүшкөрлүк ветеринариясын өнүктүрүү, изилдөөлөрдү жүргүзүү жана бул жааттагы салт-санааларды сактоого арналды. Ага араб өлкөлөрүнүн өкүлдөрү, чет элдик адистер, окумуштуулар катышты.

Жаңылыктар түрмөгү
0