Өзбекстанда президенттик шайлоо өттү

© REUTERS / STRINGERӨзбекстанда президенттик шайлоо өттү
Өзбекстанда президенттик шайлоо өттү - Sputnik Кыргызстан
Жазылуу
Өзбекстандын президентине болгон шайлоо ийгиликтүү болгондугун шайлоо өткөн күнү эле айтышты. Жергиликтүү убакыт боюнча саат 10.00дө шайлоочулардын 36 пайызы добуш берүүгө келгендиги белгилүү болгондон соң, жогорудагыдай билдирүү жарыяланды.

БИШКЕК, 30-мар. — Sputnik. Жекшембиде Өзбекстанда президентти шайлоо боюнча добуш берүүнүн жыйынтыктары дүйшөмбү күнү түштөн кийин жарыяланат деп билдирет РИА новости борбордук шайлоо комиссиясынын (БШК) башчысы Комилжон Адиловго таянуу менен. 

Өзбекстанда өлкө башчысын шайлоо боюнча мөөнөтүнөн мурун добуш берүү башталды
Өзбекстандын президентине болгон шайлоо ийгиликтүү болгондугун шайлоо өткөн күнү эле айтышты. Жергиликтүү убакыт боюнча саат 10.00дө шайлоочулардын 36 пайызы добуш берүүгө келгендиги белгилүү болгондон соң, жогорудагыдай билдирүү жарыяланды. Ал шайлоо ийгиликтүү болгондугун таануу үчүн жалпы шайлоочулардын 33 пайызы добуш бериши жетиштүү экендигин билдирди. Өзбекстандын президентин төртүнчү жолу шайлоодо добуш берүүгө катышкандарын саны 90,6 пайызды түздү же бардыгы болуп шайлоого 19 миллионго жакын жаран катышты.

"Добуш берүүнүн алдын ала жыйынтыктары дүйшөмбүдө түштөн кийин белгилүү болот", — деди Адилов.

Россиянын борбордук шайлоо комитетинин башчысы, РФтин байкоочулар тобун жетектеп барган Владимир Чуров белгилегендей, Өзбекстандагы президенттик шайлоодо олуттуу мыйзам бузуулар болгон жок. 

"Шайлочуларга эч ким кысым көрсөткөн жок, добуш берүү эркин өттү. Сырттан кийлигишүүлөр болгон жок", — деп белгиледи Чуров.

Мамлекет башчылыгына талапкер деп БШК азыркы өзбек лидери Ислам Каримовду, депутат Акмаль Саидовду, ӨЭДП БКнын төрагасы Хатамжон Кетмоновду жана "Адолаттын" аткаруу комитетинин төрагасы Наримон Умаровду тааныган.

Жаңылыктар түрмөгү
0