Евразиялык дүкөндөр акыркы жылдары калкка социалдык маанидеги жардам көрсөтүүчү борборлордун бири болуп калды. Алардын негизги максаты — муктаж үй-бүлөлөргө жана аз камсыз болгон жарандарга арзан баада сапаттуу азык-түлүк менен камсыз кылуу. Бул долбоордун ишмердүүлүгү, учурдагы абалы жана келечектеги пландары тууралуу биз «Кыргызстан Евразия–Социалдык дүкөндөр» коомдук фондунун директорунун орун басары Руслан Жампеишов менен маектештик.