БИШКЕК, 26-ноя. — Sputnik. Кофе менен чайдын курамында болчу кофеин заты курсактагы түйүлдүктү кичирейтет. Бул тууралуу American Journal of Clinical Nutrition илимий журналындагы макалага шилтеме берип РИА Новости жазды.
Мындай бүтүмгө келүү үчүн ирландиялык окумуштуулар 941 энени балдары менен кошо иликтеп көргөн.
"Кош бойлуулуктун алгачкы үч айында кабыл алынган кофеиндин ар бир 100 миллиграммы түйүлдүктү салмагынан 72 граммдан кемитип турат. Мындан тышкары, кофеин анын боюна жана башынын көлөмүнө дагы чоң таасир этет", — деп жазылган макалада.
Бирок адистер ашыкча кофеин баланын көлөмүнө гана эмес, ички органдарына дагы терс таасир тийгизерин айтышты.
Баса, кош бойлуу аял кабыл алган кофеиндин көлөмү күнүнө 200 миллиграммдан ашпашы керек. Бул болжол менен 1-2 чыны кофе же 2-3 чыны чай.