Россиядагы чет элдиктердин вакцинаны качан алып баштаары айтылды

© Sputnik / Максим Богодвид / Медиабанкка өтүүРабота мобильной бригады по вакцинации дачников от COVID-19
Работа мобильной бригады по вакцинации дачников от COVID-19   - Sputnik Кыргызстан, 1920, 05.06.2021
Жазылуу
Россиянын саламаттыкты сактоо министри чет элдиктердин ичинен биринчилерден болуп Россияда эмгектенип жаткандар эмделерин айткан.
БИШКЕК, 5-июн. — Sputnik. Россиядагы чет элдик жарандарга вакцина саюу жакын арада башталышы мүмкүн. Бул тууралуу РИА Новости Дмитрий Песковго таянып кабарлады. 
"Кыязы, бул эки айга чукул мезгилдин маселеси. Бирок, албетте, ыкчам түрдө жүргүзүлөт, себеби вакцинага суроо-талап абдан көп", — деген ал.
Манас эл аралык аэропортундагы учак. Архив - Sputnik Кыргызстан, 1920, 02.06.2021
Кыргызстанга келген туристтерден COVID-19га каршы вакцина алуу талап кылынбайт
Мурдараак Владимир Путин чет элдик компаниялар жана инвестиция боюнча эл аралык коомчулуктүн өкүлдөрү — "Спутник V" препаратынын өндүрүүчүлөрү менен жолугушуу учурунда Россия чет элдиктердин акы төлөп эмделишине шарт түзүп берерин айткан эле. Ал аталган маселе боюнча иштерди айдын соңуна чейин бүткөрүүгө тапшырма берген.
Саламаттыкты сактоо министри Михаил Мурашко бул биринчи иретте, Россияда иштеп жаткан чет элдиктерге жасаларын айткан.
Азыр Россияда эки компоненттүү үч вакцина элге сайылып жатат. Алар — "Спутник V", "ЭпиВакКорона" жана "КовиВак". Мындан сырткары, "Спутник V" препаратынын биринчи компоненти "Спутник Лайт" да каттоодон өткөн. Түз инвестициялар боюнча россиялык фонддун жетекчиси Кирилл Дмитриевдин айтымында, бул вакцина негизинен тышкы рынокко багытталган.
Жаңылыктар түрмөгү
0