05:02 16 Кулжа 2021
Түз эфир
  • USD84.5529
  • EUR102.5669
  • RUB1.1771
Россия
Кыскача шилтеме алуу
3528 0 0

Россия лидери согуш мезгилинде душманды ынтымак менен жеңип, конструктивдүү өнүгүү жолуна түшкөнүн, мындан ары да өлкөлөр менен ушундай мамиле сакталарын эскертти.

БИШКЕК, 8-май — Sputnik. Россиянын президенти Владимир Путин мамлекет башчы Садыр Жапаровду жана кыргызстандыктарды Улуу Ата Мекендик согуштагы жеңиштин 76 жылдыгы менен куттуктады. Бул тууралуу Кремлдин сайтына жарыяланды.

Путин бул күндү ата-бабалардын кан-жанын аябай душмандын мизин кайтарган эрдигин жана оорукта жасаган эмгегин өзгөчө сыймыктануу менен эскере турганын белгилеген.

"Биздин бүгүнкү моралдык карызыбыз — согуштагы азаптуу окуяларды кийинки муундун эсине салып, аяр сактоо. Тарыхты бурмалоого жана жасалмалоого кандай аракеттер болбосун, буга баарыбыз биргеликте каршы турушубуз керек. Улуу Ата Мекендик согуштун жыйынтыгын кайра карап, улутчулдар жана алардын кол алдындагылар жасаган коркунучтуу кылмышты актоого жол бербөө зарыл", — деп кайрылган Путин.

Ошондой эле Россия лидери согуш мезгилиндеги ынтымак, достук, бири-бирине жардамдашуу салты өлкө жана элдердин ортосундагы коңшулаш мамиле менен конструктивдүү өнүгүү жолуна түшүү болгонун айтып, мындан ары да ушундай болоруна ишеним артты.

Жеңиш майрамына карата Ош шаарында  Улуу Ата Мекендик согуштун ардагерлерин куттуктоо
© Фото / пресс-служба мэрии города Ош
Аны менен катары согуш ардагерлерине жана ооруктун каармандарына чын дилинен ыраазычылык билдирип, бекем ден соолук, бейпилдик жана узун өмүр каалаган.

Путин ушундай эле куттуктоосун Азербайжан, Армения, Беларусь, Казакстан, Молдавия, Тажикстан, Түркмөнстан, Өзбекстан, Абхазия, Түштүк Осетия, Грузия жана Украинага жолдогон.

Тема боюнча

Ата Мекендик согуштун ардагерлерине 70 миң сомдон берилет
Бишкекте "Өлбөс полк" жүрүшү өзгөчө форматта өтө баштады
Белгилер:
ардагер, Кыргызстан, куттуктоо, Жеңиш күнү, Владимир Путин

ЭҢ МААНИЛҮҮ