Путин эртең коронавируска каршы Россиянын вакцинасын сайдырат

© Sputnik / Алексей Дружинин / Медиабанкка өтүүРоссия президенти Владимир Путин. Архив
Россия президенти Владимир Путин. Архив - Sputnik Кыргызстан, 1920, 22.03.2021
Жазылуу
Буга чейин Путин чыгарылган вакциналар анын курагына туура келбегендиктен сайдырбай жатканын айткан болчу. Дмитрий Песков ал ата мекендик үч вакцинанын бирөөсүн колдоно турганын билдирди.
БИШКЕК, 22-мар. — Sputnik. Россия президенти Владимир Путин эртең коронавируска каршы вакцина аларын билдиргенин РИА Новости жазды.
"Эмдөөдөн өтүү бул, албетте, ар бир адамдын өз эрки, жеке чечими. Айтмакчы, мен дагы эртең сайдырайын деп ниеттенип жатам", — деген ал коронавируска каршы вакцина алуу боюнча онлайн жыйын учурунда.
Кеп кайсы препарат тууралуу болуп жатканын тактаган эмес, бирок президенттин маалымат катчысы Дмитрий Песков агенттикке ал ата мекендик үч вакцинанын бирөөсүн колдоно турганын айткан.
Буга чейин Путин анын курагына вакциналар туура келбегендиктен сайдырбай жатканын айткан болчу.
Эске сала кетсек, Россия "Спутник V", "ЭпиВакКорона" жана "КовиВак" вакциналарын сыноодон өткөрүп жатат.
Жаңылыктар түрмөгү
0