Радиостудия Sputnik Кыргызстан в Бишкеке - Sputnik Кыргызстан, 1920
Радио

Психолог: сүйүүнү адам өзүнүн дүйнө таанымына жана билимине жараша кабыл алат

© Sputnik / Асель СыдыковаПсихолог, психология илимдеринин кандидаты, доцент Маматали Мурзаев
Психолог, психология илимдеринин кандидаты, доцент Маматали Мурзаев - Sputnik Кыргызстан, 1920, 10.11.2021
Жазылуу
Психолог, психология илимдеринин кандидаты, доцент Маматали Мурзаев сүйүү сезимине берилген илимий тыянактарга токтолду.
Сүйүүнү өтө көп теориялар менен түшүндүрсө болот. Адамзаттын тарыхынын өнүгүшүндө дайыма эле махабат сезими коштоп жүргөн эмес. Ал индивидуализм менен кошо жаралган. Бул тууралуу Маматали Мурзаев Sputnik Кыргызстан радиосунда маек куруп жатып билдирди.
Психолог: сүйүүнү адам өзүнүн дүйнө таанымына жана билимине жараша кабыл алат
Анын айтымында, сүйүүнүн түпкүрүндө муктаждык жатат. Башкача айтканда, адам муктаж болгон нерсени гана эңсеп, каалап, жыйынтыгында сүйүп жатам деп түшүнөт.
"Адам бир нерсеге муктаж болгондо ага болгон күчтүү сезими сүйүү деп аталат. Мисалы, мигранттардын мекенге болгон сүйүүсү өзүнүн жеринде жашап жаткандарга караганда күчтүүрөөк болот. Ошондой эле бала кезинен эне мээримине канып чоңойбогон балдар да кийин бул муктаждыгын толтуруш үчүн өзгөчө өткөөл куракта катуу сүйүүгө кабылышат. Анан да сүйүү ар куракта ар кандай келет. Айталы, улуу кишилерге караганда жаш кезде бул сезимге курч жана бир багыттуу кабылышат. Андыктан улам мындан ары жашоо жоктой же кызык эместей сезилет. Ошондой эле сүйүүнү адам өзүнүн дүйнө таанымына жана билимине жараша да кабыл алат. Андыктан учурда биздин коом сүйүүгө болгон психологиялык маданиятка муктаж болуп турат. Муну кичинекей чагынан окуп, таанытуу зарыл",— деди Мурзаев.
Психолог илимде ата-эне, бир-тууганга, мекенге, өзүнө, түгөйүнө жана кудайга болгон сүйүү деп бешке бөлүнөрүн жана ар бир адам ушунун бирин башкаларынан курчураак сезерин кошумчалды.
Жаңылыктар түрмөгү
0