Радиостудия Sputnik Кыргызстан в Бишкеке - Sputnik Кыргызстан, 1920
Радио

Исабаева: дүйнөлүк тасмаларга сереп салынып, анализ жүргүзүлүүдө

© Sputnik / Асель СыдыковаТөлөмүш Океев атындагы улуттук "Кыргызфильм" киностудиясынын редактору, акын, жазуучу Жыпар Исабаева
Төлөмүш Океев атындагы улуттук Кыргызфильм киностудиясынын редактору, акын, жазуучу Жыпар Исабаева - Sputnik Кыргызстан, 1920, 11.08.2021
Жазылуу
Төлөмүш Океев атындагы улуттук "Кыргызфильм" киностудиясынын редактору, акын, жазуучу Жыпар Исабаева дүйнөлүк белгилүү кинорежиссёрлордун тасмаларына аналитикалык пикир жазып жаткандыгын айтты.

Дүйнө элдеринин маданиятын, тарыхын, идеологиясын кино аркылуу көрүп, андан таасир алса болот. Мындай пикирин Жыпар Исабаева Sputnik Кыргызстан радиосунун эфиринде маек куруп жатып билдирди.

Исабаева: дүйнөлүк тасмаларга сереп салынып, анализ жүргүзүлүүдө

Анын айтымында, кино индустриясындагы белгилүү тасмаларга да аналитика жазылып, кыргыз окурмандарына тартууланат.

"Мен киного бала күнүмдөн кызыгып, анын жаралышы тууралуу билгим келчү. Эмгек өргүүсүндө сценарий жазуунун сырларын үйрөнүп, "Адашкандар" аттуу романымдын негизинде "Баарын кайрадан баштайлычы" деген киносценарий жаздым. Устатым белгилүү режиссёр Темир Бирназаров сценарийдин түзүлүшүн оңдоп-түзөп, багыттап турду. Ошентип тасма тартылып, көрүүчүлөргө тартууланды. Андан соң "Кумар" аттуу фильмдин, "Акшоола" телесериалынын сценарийин жазышып, эмгектер жарыкка чыкты. Кийинчерээк кино тармагына баш-отум менен кирип, дүйнөлүк белгилүү кинорежиссёрлордун тасмаларына аналитикалык пикир жазып, сереп салып көрүүнү чечтим. Дүйнө элдеринин маданиятын, тарыхын, идеологиясын кино аркылуу көрүп, аны биздин окурмандарга жеткиргим келди. Алгачкы эмгектеримдин тизмесинде ирандык режиссер Маджид Маджидинин "Жамгыр", Кытайдын дүйнөгө белгилүү кинорежиссеру Цзя Чжанкенин "Натюрморт" аттуу киносуна аналитикалык пикир жазылды", — деди Исабаева.

Ошондой эле киносценарист кыргыз тасмаларына да аналитикалык пикир жазылып, окурмандарга тартууланышы керектигин кошумчалады.

Жаңылыктар түрмөгү
0