Радиостудия Sputnik Кыргызстан в Бишкеке - Sputnik Кыргызстан, 1920
Радио

Раимкулов: СССР учурунда ат спорту гүлдөгөн мезгил болду

© Sputnik / Табылды КадырбековЗаслуженный тренер КР национальным конным играм Толонду Раимкулов
Заслуженный тренер КР национальным конным играм Толонду Раимкулов - Sputnik Кыргызстан, 1920, 21.07.2021
Жазылуу
КРдин эмгек сиңирген машыктыруучусу, улуттук ат оюндары боюнча СССРдин жети жолку чемпиону Төлөндү Раимкулов советтик мезгилде ат оюндары боюнча алдыга эч кимди салбагандыгын айтты.

Жигитовка, ат чабыш, тыйын эңмей, көк бөрү боюнча күчтүү спортчулар, командалар СССРдин чемпионатында дайыма алдыда болгон. Бул тууралуу Төлөндү Раимкулов Кыргызстан радиосунун эфиринде маек куруп жатып билдирди.

Раимкулов: СССР учурунда ат спорту гүлдөгөн мезгил болду

Анын айтымында, ат оюндарына, ат спортуна азыр көңүл бурулса дүйнөлүк аренада ийгилик жарата турчу кыргызстандык спортчулар көп.

"1974-жылы Кыргыз ССРинин 50 жылдыгы белгиленип, ага карата ири иш-чаралар өткөрүлгөн. Ат оюндары боюнча кызуу даярдык көрүп, жогорку деңгээлде командаларды, спортчуларды даярдаганбыз. Аны Турдакун Усубалиев, Ахматбек Сүйүнбаев көзөмөлдөгөн. Анткени СССРдин министрлер кеңешинин төрагасы Алексей Косыгиндин келери айтылган. Мен жигитовка боюнча программа даярдап, келген конокторго кыргыз жигиттеринин аталардан калган улуу чеберчилигин көрсөттүм. Анткени "ат жалында кыргыз гана мыкты" деп бекеринен айтпаса керек. Тыйын эңмей, кыз куумай, ат чабыш сыяктуу оюндарды мыкты аткардык. Аткаминерлер отурган VIP-боз үйлөр болор эле. Косыгин өзү чакырып, баарыбызды куттуктап, мага жеке өзүнүн атынан батир берген. Ошондон кийин эле биздин топ Минск, Киев, Ленинграддагы ири турнирлерге катышып, ат оюндары боюнча СССРдин ичинде сонун ийгиликтерди жарата алдык. Советтик учурда ат оюндары гүлдөгөн мезгил болгон. Биздин тарыхыбыз чоң. Андыктан ат оюндарына көңүл бурулса кыргыз спортчулары жыйынтыгын тез эле көрсөтөт", — деди Раимкулов.

Ошондой эле спортчу классикалык күрөш боюнча СССРдин эл аралык экстра-класстагы калысы катары ири мелдештерде иш алып барганын кошумчалады.

Жаңылыктар түрмөгү
0