09:17 02 Баш оона 2021
Түз эфир
  • USD84.7585
  • EUR100.8923
  • RUB1.1589

Юрист бала асырап алуу кандай учурларда жокко чыгарыларын айтып берди

Радио
Кыскача шилтеме алуу
48 0 0

Юридикалык клиникалар ассоциациясынын жетекчиси, илимдин кандидаты Артур Бакиров бала асырап алууну жокко чыгара турган кескин себептер тууралуу айтып берди.

Баланы багып алган ата-эне кичинекейге катаал мамиле жасаса асырап алуу жокко чыгарылат. Бул тууралуу Артур Бакиров Sputnik Кыргызстан радиосунун "Онлайн-адвокат" рубрикасында билдирди.

Юрист бала асырап алуу кандай учурларда жокко чыгарыларын айтып берди

Анын айтымында, асырап алууну жокко чыгаруу сот тартибинде жүргүзүлөт.

"Асырап алууну жокко чыгаруу жөнүндө иш балдарды коргоо боюнча ыйгарым укуктуу орган жана прокурордун катышуусунда каралат. Асырап алуу төмөнкү жагдайларда жокко чыгарылат: эгерде багып алгандар аларга жүктөлгөн ата-энелик милдеттен качса, өз укуктарын кыянаттык менен пайдаланып катаал мамиле жасаса, андан КРде атайын тизме менен бекитилген оорулар табылса, башкача айтканда, баланы карабай оор дартка чалдыгышына жол берсе. Асырап алууну жокко чыгаруу талабы менен 14 жашка чыкканда багып алынган бала, анын ата-энеси, тийиштүү ыйгарым укуктуу органдар жана прокурор кайрыла алат. Багып алуу жокко чыгарылганда ата-эненин жана баланын өз ара милдеттери, укуктары токтотулат. Баланын ата-энеси бар болсо, ага берилет. Эгер жок болсо же ата-энесине кайрып берүү анын таламдарына каршы келсе, балдарды коргоо боюнча ыйгарым укуктуу органдардын көзөмөлүндө болот", — деди Бакиров.

Юрист камактагыларга, соттуулугу алына элек же оор жана өзгөчө оор кылмыштар менен эркинен ажыратылып, бирок боштондукка чыккандарга бала асыроого укук берилбей турганын кошумчалады.

Тема боюнча

Бакиров: 16 жашка толо электердин аты-жөнү кескин себептер менен өзгөртүлөт
Белгилер:
Артур Бакиров, юрист, мыйзам, балдарды асыроо

ЭҢ МААНИЛҮҮ