Радиостудия Sputnik Кыргызстан в Бишкеке - Sputnik Кыргызстан, 1920
Радио

Теңизбаев: үй-бүлө бюджетин туура пландаштыруу чыгашаны азайтат

© Sputnik / Табылды КадырбековРуководитель сектора финансовой грамотности Национального банка КР Тынчтык Тенизбаев
Руководитель сектора финансовой грамотности Национального банка КР Тынчтык Тенизбаев - Sputnik Кыргызстан, 1920, 15.07.2021
Жазылуу
Улуттук банктын Коомчулук менен иш алып баруу бөлүмүнүн Финансылык сабаттуулук секторунун жетекчиси Тынчтык Теңизбаев экономикалык кризис учурунда чыгашаларды оптимизациялоо керектигин айтты.
Пандемия шартында үй-бүлө бюджетинин киреше булактарын аныктап, анын көп бөлүгүн ден соолукту чыңдоого жумшоо зарыл. Мындай пикирин Тынчтык Теңизбаев Sputnik Кыргызстан радиосунун эфиринде билдирди.
Теңизбаев: үй-бүлө бюджетин туура пландаштыруу чыгашаны азайтат
Анын айтымында, акчаны сактоодо, пайдаланууда коомдук аң-сезимди жогорулатуу боюнча иштерге маани берилиши керек.
"Үй-бүлө бюджетин ар бирибиз анализдеп турушубуз зарыл. Чыгаша жана киреше булактарын аныктап, аларды көзөмөлгө алуу менен көп көйгөйлөрдү чечүү мүмкүн. Учурда баалар да көтөрүлүп жатат, пандемияга байланыштуу кээ бир адамдар жумушун жоготту. Киреше туруктуу болуп, көбөйүп турушу үчүн адам өзүнө тиешелүү жөндөмдөрүн колдонушу зарыл. Мисалы, бир ишке таланты бар адам жумуштан сырткары онлайн курстарды өтүү аркылуу же унаасы менен жеткирүү кызматы аркылуу кошумча акча табышы керек. Экинчиден, чыгашаларды оптимизациялоо зарыл. COVID жайылып жаткандыгына байланыштуу бюджеттин көп бөлүгүн жарандар ден соолукту чыңдоого жумшаганды унутпашы абзел. Анткени ооруп калуу көп чыгашага алып келет. Туура тамактануу, ден соолукка кам көрүү процедураларын алуу менен маселени чечүү кажет. Күйүүчү майлардын баасы жогорулап жаткандыктан унааны азыраак колдонуп, велосипед, электроскутерге өтсө болот", — деди Теңизбаев.
Ошондой эле адис накталай акчаны үйдө сактоо туура эмес экендигин кошумчалады.
Жаңылыктар түрмөгү
0