20:56 11 Чын Куран 2021
Түз эфир
  • USD84.7863
  • EUR100.7855
  • RUB1.0988

Донбаева: жайытты туура эмес пайдалануу тоолордун экосистемасын бузат

Радио
Кыскача шилтеме алуу
0 0

Улуттук илимдер академиясына караштуу Энвер Гареев атындагы Ботаникалык бак илим-изилдөө институтунун директорунун милдетин аткаруучу Гүлайым Донбаева жайыттардын бузулуусу орчундуу маселелердин бири экендигин айтты.

Советтик мезгилде жайыттарды үнөмдүү пайдалануу, чектерин бөлүү, жер которуп малды жаюу, малдын санын көзөмөлдөө иши жүрүп тургандыктан жайлоолор сакталып турган. Мындай маалыматты Гүлайым Донбаева Sputnik Кыргызстан радиосунун эфиринде маек учурунда билдирди.

Донбаева: жайытты туура эмес пайдалануу тоолордун экосистемасын бузат

Анын айтымында, тоолуу экологиялык системада топурактын катмары жука болуп, өсүмдүктөрдүн тамыры да терең кетпегендиктен тез жабыркайт.

"Жайыттардын бузулуусу орчундуу маселе. Совет мезгилинде жайыттарды үнөмдүү пайдалануу, чектерин бөлүү, жер которуп малды жаюу, малдын санын көзөмөлдөө иши жүрүп келген. Айыл чарба министрлиги бул багытта тиешелүү иштерди алып барып жатса керек. Анткени жайыт комитеттери бар. Бирок ошол эле учурда жайлоолордун жабыркашы көп көйгөйдү жаратат. Тоолуу экосистемада топурактын катмары өтө жука болуп, өсүмдүктөрдүн тамыры терең кетпейт. Себеби табигый шарт ушундай түзүлгөн. Мисалы, ача туяктуу мал топурактын катмарын көп басып, жолдорду салып, өсүмдүктөрдүн жакшы өсүшүнө тоскоолдук жаратат", — деди Донбаева.

Ошондой эле адис токой ресурстары да каралбай, бак-дарактар уруксатсыз кыйылып жатканын кошумчалады.

Тема боюнча

Жапаров экология боюнча жарлыкка кол койду. Өкмөткө берилген сунуштар
Белгилер:
Гүлайым Донбаева, жайлоо, жайыт, экология

ЭҢ МААНИЛҮҮ