Радиостудия Sputnik Кыргызстан в Бишкеке - Sputnik Кыргызстан, 1920
Радио

Акимова: калың элдин туруктуу өнүгүү максаты тууралуу маалыматы жок

© Sputnik / Эркин СадыковЭкономист Нургүл Акимова. Архив
Экономист Нургүл Акимова. Архив - Sputnik Кыргызстан, 1920, 24.03.2021
Жазылуу
Экономист Нургүл Акимова БУУ тарабынан мидеттендирилген туруктуу өнүгүү максатына жетүү мамлекеттик саясаттан эмес, ар бир адамдан көз каранды экенин айтты.
Акимова: калың элдин туруктуу өнүгүү максаты тууралуу маалыматы жок
Бизнес жасаганда, экономиканы өнүктүргөндө жаратылыш ресурстарын колдонобуз. Бул учурда жаратылышка антропогендик таасир болот. Ошондуктан бакубат жашоо үчүн БУУнун алкагында дүйнөлүк мамлекеттер өзүнө 17 максат койду. Бул тууралуу Нургүл Акимова Sputnik Кыргызстан радиосунун эфиринде маек куруп жатып билдирди.
Анын айтымында, калың элдин туруктуу өнүгүү максаты тууралуу маалыматы жок.
"БУУнун туруктуу өнүгүү боюнча 17 максатына жакырчылыкты, ачарчылыкты жоюу, калктын саламаттыгы, сапаттуу билим, таза суу, экологияны коргоо жана башка ушул сыяктуу социалдык турмушту жакшыртуучу багыттар кирет. Уюмга мүчө-мамлекеттер эгер биз өнүксөк, жашаган жерибизге зыян келтирбестен өнүгөлү деген жолдо баратат. Кыргызстан 2015-жылы башка өлкөлөр сыяктуу эле туруктуу өнүгүү максаттарына жетүү боюнча милдеттенмелерди алды. Бул иштер статистикалык көзөмөлдө. Максаттарга ылайык аткарылган жумуштар боюнча биздин адистер институционалдык салым кошуп жатышат. Бирок, тилекке каршы, калың элдин туруктуу өнүгүү максаты тууралуу маалыматы жок. Мисалы, адамдар күнүмдүк азык-түлүк алганда экологияга зыян келтирбеш үчүн экопакеттерди колдонуу керектигин ойлонуша элек. Эгер биз колдонуудан баштап, бизнес, пландоодо экологиялык жагдайды эске ала турган болсок, 2030-жылга чейин коюлган максаттарга жете алабыз. Бул мамлекеттик саясаттан эмес, ар бирибизден көз каранды. Алсак, Норвегияда жер иштеткен дыйканга пестициддерди колдонбош үчүн мамлекет ага субсидия берет. Мындай ыкма менен мамлекет жарандын экологияга зыян келтирбестен иштөөсүнө мүмкүнчүлүк берүүдө. Бул тажрыйба биздин мамлекетте да колдонулушу үчүн Экономика министрлиги механизм иштеп чыгууну баштады. Ал эми Нью-Йорк чоң мегаполис болгондуктан шаарга электромобиль менен гана жүрүүгө уруксат. Биз да ушул өңдүү талаптарды, эрежелерди киргизишибиз керек", — деди Акимова.
Экономист 2030-жылга чейин БУУнун 17 максатын аткаруу керектигин белгиледи. Кыргызстан чакан өлкө болгондуктан, эгер аткара албай калса, БУУ үчүн коркунуч деле жаратпай турганын, ал эми Кытай, Индия сыяктуу чоң мамлекеттер санкцияга туш болорун кошумчалады.
Жаңылыктар түрмөгү
0