02:32 15 Чын Куран 2021
Түз эфир
  • USD84.8000
  • EUR101.4802
  • RUB1.1205

Азимбаева: гепатит сулуулук салондорунан да жугуп калышы мүмкүн

Радио
Кыскача шилтеме алуу
10

Республикалык клиникалык жугуштуу оорулар ооруканасынын диспансер кабинетинин башчысы Халида Азимбаева коронавирустан улам колду көп жууп калгандыктан гепатит менен ооругандар кескин азайганын айтты.

Азимбаева: гепатит сулуулук салондорунан да жугуп калышы мүмкүн

Вирустук гепатит дүйнө жүзү боюнча өтө чоң маселе болуп келет. Гепатиттин А, В, С, D жана Е түрлөрү кездешет. Окумуштуулар дагы эки түрүн аныктап чыгышкан. Бул тууралуу Халида Азимбаева Sputnik Кыргызстан радиосунун эфиринде маек куруп жатып билдирди.

Анын айтымында, көп учурда адамдар башка шаарда окуй турган болгондо, чет өлкөгө кетерде медициналык анализден өтүп жатып же болбосо кан донору болордо эле гепатити бар экенин билип калышат.

"Сарыктын А жана Е түрү менен көбүнчө мектеп, бала бакчага барган балдар жабыркайт. Гепатит А илдеттин калган түрлөрүнүн ичинен эң жеңили болуп саналат. Ошону менен бирге айрым аймактар таза суу менен камсыз болбогондуктан, адамдар аккан суудан ичип ооруп калып жатышат. Жер-жемишти жуубай жегенде, колду кир алып жүргөндө жана айрым тамак-аш саткан жайларда идиштер таза жуулбагандыктан да сарык болуп калуу мүмкүн. Сарыктын Е түрү менен өспүрүмдөр көбүрөөк ооруйт. Ошондой эле кош бойлуу аялдар ооруп калса, түйүлдүк түшүп калуу коркунучунда болуп, илдет оор өтөт. В, С, D парентералдык сарыктын түрлөрү, анын ичинен С түрү билинбей башталат. Гепатит В курч кармаган учурлары бар. Мында 5-6 күндүн ичинде боор эзилип кетет. Дагы бир коркунучтуу жагдай — анын жанында дайыма оорунун D түрү коштоп жүрөт. Булар кан аркылуу, ооруканалардан, сулуулук салондорунан жана стоматологиядан жугуп калуу коркунучу бар. Дарттын алгачкы белгилеринде табит жоголуп, киши чарчап, оң капталы ооруйт. Бирок адамдар аны этибар албай дарыгерге өз учурунда кайрылбайт. Ошентип отуруп өнөкөт илдетке өтүп кетет. Боордун клеткалары жабыркап фиброз башталат", — деди Азимбаева.

Дарыгер сарыкты дарылаганга караганда алдын алуу бир топ оңой болорун, дарттын жугуу жолдору өздүк гигиенаны сактоо менен тыгыз байланышта экенин кошумчалады.

Тема боюнча

Идирисова: өлкөдө 4774 киши сарыктын беш түрү менен ооруйт
Белгилер:
өспүрүм, бала, оору, гепатит

ЭҢ МААНИЛҮҮ