Радиостудия Sputnik Кыргызстан в Бишкеке - Sputnik Кыргызстан
Радио

Саматов: көңүл бурулса КР кёрлингчилери Олимпиадада жеңишке жетише алат

© Sputnik / Асель СыдыковаКёрлинг федерациясынын президенти Тынчтыкбек Саматов
Кёрлинг федерациясынын президенти Тынчтыкбек Саматов - Sputnik Кыргызстан
Жазылуу
Кёрлинг федерациясынын президенти Тынчтыкбек Саматов кыргызстандык спортчулар кёрлинг боюнча кышкы Олимпиада оюндарына катышып, чемпион болуу мүмкүнчүлүгү бар экендигин айтты.
Саматов: көңүл бурулса КР кёрлингчилери Олимпиадада жеңишке жетише алат
Кёрлинг — стратегиялык жана интеллектуалдык спорт болгондуктан туура тактика менен тажрыйбалуу атаандашты да утуп алууга болот. Бекеринен кёрлингди муз үстүндөгү бильярдга салыштырышпайт. Бул тууралуу Тынчтыкбек Саматов Sputnik Кыргызстан радиосунун эфиринде маек куруп жатып билдирди.
Анын айтымында, Кыргызстанда кёрлинг спортуна бир аз көңүл бурулса спортчуларыбыз кыска мөөнөттө эл аралык мелдештерде ийгилик жарата башташат.
"Кыргыз спортунда бокс, күрөштүн тарыхы бай. Алардын машыгуу системалары жолго коюлган. Ал эми кёрлинг өлкө үчүн жаңы спорт. Ошондуктан бардыгын башынан баштоого туура келди. Муздун абалы, спортчулардын деңгээли, адистердин, машыгуу базасынын жоктугу бизге көп көйгөй жаратты. Болгондо да абдан кымбат спорт экен. Бирок азыркы учурда акырындык менен иштер жүрүүдө. Кёрлингде ийгилик жаратуу үчүн жаш курак каралбайт. Туура логикалык ой жүгүрткөн каалаган адам өзүн көрсөтүп, жеңишке жетсе болот. Аталган спортто болжол менен 10 жыл ичинде кыргызстандык спортчулардын кышкы олимпиада оюндарында алтын медаль утуп алүү мүмкүнчүлүгү бар. Бул кыргыз спорту үчүн чоң тарых болор эле", — деди Саматов.
Ошондой эле жетекчи кёрлинг спортунун терминдерин кыргыз тилине которуу кыйынчылыкты жаратып жатканын кошумчалады.
Эскерте кетсек, кёрлинг — муз аянтчасында команда менен ойнолуучу спорттун бир түрү. Эки команда музга атайын ылайыкташтырылган ташты "үйгө" чогултуп, упай топтошот.
Жаңылыктар түрмөгү
0