Радиостудия Sputnik Кыргызстан в Бишкеке - Sputnik Кыргызстан
Радио

Айдаралиев: Кыргызстан органикалык өсүмдүктөрдү өстүрүүгө өтө ыңгайлуу

© Sputnik / Табылды КадырбековBio-KG органикалык кыймыл федерациясынын жетекчиси Искендербек Айдаралиев. Архив
Bio-KG органикалык кыймыл федерациясынын жетекчиси Искендербек Айдаралиев. Архив - Sputnik Кыргызстан
Жазылуу
Bio-KG органикалык кыймыл федерациясынын жетекчиси Искендербек Айдаралиев өлкөдө дыйкандардын 60 пайыздан ашыгы табигый жол менен мөмө-жемиш өстүрөрүн айтты.
Айдаралиев: Кыргызстан органикалык өсүмдүктөрдү өстүрүүгө өтө ыңгайлуу

Кыргызстан — экологиялык жактан таза өсүмдүктөрдү өндүрүүгө абдан ыңгайлуу өлкө. Мындай пикирин Искендербек Айдаралиев Sputnik Кыргызстан радиосунун эфиринде маек куруп жатып билдирди.

Анын айтымында, жергиликтүү дыйкандардын органикалык айыл чарба продукцияларын көп өлчөмдө экспортко чыгара албай жаткандыгынын башкы себеби — тастыктоочу документтердин жоктугу болууда.

"Кыргызстандын географиялык, климаттык абалы жагынан органикалык айыл чарба продукцияларын өндүрүп, калкты камсыздап, ал тургай чет мамлекеттерге сатууга мүмкүнчүлүгү кенен. Суроо-талап жаралып, жолу ачылса аны өндүрүү маселеси деле чечилет. Анткени учурда өлкөдө көптөгөн майда фермерлик жана агрардык ишканалар бар. Азыр деле дыйкандардын 60 пайыздан ашыгы эч кандай химикаттарды колдонбой, табигый жол менен түшүм алып жатышат. Бирок аны сатууга келгенде көйгөй жаралат. Анткени бизде продукциянын экологиялык жактан таза экендигин аныктаган, эл аралык талаптарга жооп берген документ берилбейт. Мына ушул маселени жолго салып алуу менен аталган көйгөйдү чечүүгө болот. Ал үчүн көп деле каражат талап кылынбайт, башкысы сапаттуу санариптештирүүнү колго алуу зарыл", — деди Айдаралиев.

Адис өлкөнүн бир эле агрардык тармакта эмес мал чарбачылыгында да потенциалы жогору экендигин кошумчалады.

Жаңылыктар түрмөгү
0