15:34 24 Жетинин айы 2020
Түз эфир
  • USD84.7968
  • EUR100.7047
  • RUB1.1193

Эргешова: күнөскана үчүн урук тандаганда гибрид өсүмдүктөргө басым жасоо керек

Радио
Кыскача шилтеме алуу
44 0 0

Кыргыз улуттук агрардык университетинин өсүмдүк өстүрүүчүлүк жана коргоо кафедрасынын пофессорунун милдетин аткаруучу, айыл чарба илимдеринин кандидаты Кызайым Эргешова күнөсканада бадыраң, помидор өстүрүү ыкмаларын айтып берди.

Эргешова: күнөскана үчүн урук тандаганда гибрид өсүмдүктөргө басым жасоо керек

Күнөсканага гибриддик өсүмдүктөрдүн уругун себүү керек. Кадимки сорттор жөнөкөй талааларга ылайыкташкан. Бул тууралуу Кызайым Эргешова Sputnik Кыргызстан радиосунун эфиринде сүйлөп жатып билдирди.

Анын айтымында, бадыраңды аз-аздан, тез-тез сугарып турса топурагы катып калбайт.

"Күнөсканада көбүнесе бадыраң жана помидорлорду эгишет. Экөө тең биздин климатта оңой өсүп, бат жетиле турган өсүмдүктөр. Бирок жакшы түшүм алуу үчүн айрым маселелерге дыкат көңүл буруу зарыл. Мисалы, бадыраңды 5-августка чейин сээп бүтүп, ал чыгып калышы керек. Ошондо ал сентябрь аягында биринчи түшүмүн берип калат. Күнөсканалар үчүн урук тандаганда гибрид өсүмдүктөргө басым койгон туура. Топурагы катпаш үчүн бадыраңды аз-аздан бат-бат сугарып туруу керек. Дагы бир жагдай, 40 пайыз топурак, 40 пайыз чиринди, 10 пайыз опилка жана 10 пайыз кумдан турган топуракка отургузуу шартка ылайык. Ал эми помидор да ушундай эле аралашмага себилгени менен аны каныктырып, 5-10 күндө бир жолудан сугарган туура болот", — деди Эргешова.

Адис бадыраң 14-16 градус жылуулукта, ал эми помидор 10-12 градуста өнүп чыгарын кошумчалады.

Тема боюнча

Донбаева: Ботаникалык бактын ирригациялык системасы жаңыртылган эмес
Белгилер:
түшүм, дезинфекция, күнөскана

ЭҢ МААНИЛҮҮ