07:48 26 Жетинин айы 2020
Түз эфир
  • USD84.8000
  • EUR100.9883
  • RUB1.1236

Малдыбаев: коронавирустан улам Бишкекте айрым курулуштар токтотулду

Радио
Кыскача шилтеме алуу
Коронавируска байланыштуу Кыргызстандагы кырдаал (2408)
425 0 0

Бишкек мэриясынын экономика жана каржы бөлүмүнүн башчысы Адилет Малдыбаев коронавирустан улам шаар бюджети толук жыйналбай калганын маалымдады.

Малдыбаев: коронавирустан улам Бишкекте айрым курулуштар токтотулду

Бишкек шаарынын бюджетинин кыскартылганына байланыштуу айрым курулуштар убактылуу токтотулду. Бул тууралуу Адилет Малдыбаев Sputnik Кыргызстан радиосуна маек берип жатып билдирди.

Анын айтымында, Бишкектин бюджетинин киреше, чыгаша бөлүгү теңдештирилген. Башкача айтканда, киреше канча болсо, чыгаша дагы ошончо болушу шарт.

"Кийинки жылга карата социалдык-экономикалык абалды божомолдогон өкмөт тарабынан бекиген атайын ыкма бар. Ага ылайык, ИДП, тейлөө жана башка жагдайларды эсептеп, келе жаткан жылдагы кирешелерди аныктоого мүмкүн болот. Буга жараша чыгашалар дагы түзүлөт. Быйылкы жылдын киреше-чыгашасы 10,2 миллиард сомду түзгөн. Алты айдын жыйынтыгы менен коронавируска байланыштуу кризистен улам 174 миллион сом кыскартылган. Андан тышкары, республикалык бюджеттен мэриянын чыгашаларын бир миллиард сомдой кыскартуу маселеси коюлган. Эсептердин негизинде шаар бюджетинен 505 миллион сом кыскартуу боюнча долбоорду шаардык кеңешке киргиздик. Натыйжада айрым курулуштар убактылуу токтоп турат. Ошол эле сейил бактардын, веложолдордун салынышы кийинки жылга чейин токтотулду", — деди Малдыбаев.

Ал шаардык бюджеттен каржыланган мекемелердин бюджетин дагы оптималдаштыруу аркылуу каражатты үнөмдөө колго алынып жатканын кошумчалады.

Тема:
Коронавируска байланыштуу Кыргызстандагы кырдаал (2408)

Тема боюнча

0,7 млрд. сом... Бишкектин 10 айдагы бюджети аткарылбай калды
Белгилер:
коронавирус, курулуш, Бишкек, бюджет, Адилет Малдыбаев

ЭҢ МААНИЛҮҮ