Радиостудия Sputnik Кыргызстан в Бишкеке - Sputnik Кыргызстан
Радио

Эргешов: карантин тууралуу Мухаммед пайгамбардын айтканы бар

© Sputnik / Табылды КадырбековМусулмандар дин башкармалыгынын окуу бөлүмүнүн башчысы Акимжан Эргешов
Мусулмандар дин башкармалыгынын окуу бөлүмүнүн башчысы Акимжан Эргешов - Sputnik Кыргызстан
Жазылуу
Мусулмандар дин башкармалыгынын окуу бөлүмүнүн башчысы Акимжан Эргешов ислам дининдеги адамдын жеке жоопкерчиликтери, милдеттери тууралуу айтып берди.
Эргешов: карантин тууралуу Мухаммед пайгамбардын айтканы бар

Мухаммед пайгамбар "эгер кайсы бир жерден жугуштуу тумоо чыкса, ал аймакта жашагандар сыртка чыкпасын, оору жок жердегилер ал жакка кирбесин" деп айткан. Бул тууралуу Акимжан Эргешов Sputnik Кыргызстан радиосуна маек куруп жатып билдирди.

Пульмонолог: коронавируска чалдыккан адамга саамал кооптуу

Анын айтымында, ислам дининде коомдун коопсуздугуна олуттуу маани берилет.

"Динде элдин саламаттыгы, коомдун коопсуздугу ачык-айкын каралган. Мисалы, Мухаммед пайгамбар жугуштуу илдет чыккан аймактын жашоочуларына оору жок жакка барууга, ал эми дарт жок жердегилерге ал аймакка кирүүгө тыюу салган. Башкача айтканда, азыркы карантин эрежелери мындан 14 кылым мурда эле киргизилген. Ал эми өзүнүн ооруп турганын билип, башка жакка чыгып кайдыгерлик менен адамдарга жуктурса жана оору илештирип алган киши көз жумуп кетсе, ал дартты жуктурган адамга бүтүндөй адамзатын өлтүргөндөй күнөө жазылары айтылган. Ошондой эле бир адамдын өмүрүн илдеттен сактап калган кишиге жалпы инсандарды өлүмдөн алып калгандай сооп берилери жазылган", — деди Эргешов.

Ал жалпы кыргызстандыктарды санитардык эрежелерди сактап, жеке инсандык жоопкерчилигин сезүүгө чакырды.

Жаңылыктар түрмөгү
0