13:17 15 Теке 2020
Түз эфир
  • USD77.5098
  • EUR87.9814
  • RUB1.0897

Романов: пробация кардары ээлеген кызматынан бошотулат

Радио
Кыскача шилтеме алуу
42 0 0

Юстиция министрлигинин Пробация департаментинин Мониторинг жана эсеп башкармалыгынын башчысы Руслан Романов анча оор эмес кылмыш кылып абакка түшкөн соттолуучу пробация кардары болуп эсептелерин айтты.

Романов: пробация кардары ээлеген кызматынан бошотулат

Пробация кардарлары Жазык жана Жоруктар кодексине ылайык, жаза өтөп жаткан учурунда ээлеген кызматынан бошотулат. Бул тууралуу Руслан Романов Sputnik Кыргызстан радиосуна маек куруп жатып билдирди.

Анын айтымында, пробация кардары 2-3 жумуш менен алектенип, бирок бир кызматында ката кетирип жоопко тартылып жатса, ошол кесибинен гана убактылуу четтетилет.

"Анча оор эмес кылмыш жасап сот жообуна тартылып жаткан адамдар автоматтык түрдө пробация кардары болуп калат. Мисалы, Жоруктар кодекси боюнча айыпкер болсо алты айдан эки жылга чейинки мөөнөттө, ал эми Жазыктар кодекси боюнча мыйзам бузган жаран бир жылдан беш жылга чейинки мөөнөттө жоопко тартылып, бул аралыкта пробация кардары болуп эсептелет. Соттун өкүмүндө ал кылмышкердин кетирген мыйзам бузуусу так, даана көрсөтүлөт. Ошонун жыйынтыгы менен ал ээлеген кызматынан жаза аткарып жаткан учурунда четтетилет. Мисалы, стоматолог болсо, ал тиш дарылоодо кандайдыр бир мыйзам бузууга барып соттолсо, анда жаза мөөнөтү аяктаганга чейин бул кызматын аткара албайт. Эгер соттолуучу башка да иштер менен алектенип жүргөн болсо, анда мыйзам боюнча ал жумуштарына тыюу салынбайт", — деди Романов.

Ал пробациянын негизги максаты адамдарды жазалоо эмес, алардын кайрадан кадимки жашоого кайтуусуна шарт түзүү экендигин кошумчалады.

Тема боюнча

Романов: абактан чыккан адамдардын укугу калыбына келтирилет
Белгилер:
мыйзам, кызмат, пробация, Руслан Романов

ЭҢ МААНИЛҮҮ