11:26 11 Теке 2020
Түз эфир
  • USD77.8000
  • EUR87.8362
  • RUB1.0922

Кыргызбаев: эмдөө аркылуу чип орнотот деген болбогон кеп

Радио
Кыскача шилтеме алуу
271 0 0

Саламаттыкты сактоо министрлигинин Республикалык эмдөө борборунун эпидемиолог-дарыгери Азим Кыргызбаев өлкөдө эмдөөдөн баш тарткан үй-бүлөлөрдө балдары чарчап калган учурлар бар экендигин айтты.

Кыргызбаев: эмдөө аркылуу чип орнотот деген болбогон кеп

Учурда эмдөөдөн баш тарткан ата-энелердин айрымдары "балдарыбызга вакцина аркылуу чип орнотуп коёсуңар" деп айтышууда. Бул күлкү келерлик сөз. Мындай пикирин Азим Кыргызбаев Sputnik Кыргызстан радиосуна билдирди.

Анын айтымында, учурда балдар арасында көк жөтөл оорусу күч алып жатат.

"Эмдөөдөн баш тарткан ата-энелер ар кандай себептерди айтышат. Соңку учурда "балдарыбызга кандайдыр бир чип орнотуп коёт экенсиңер" дегендер көбөйдү. Бул таптакыр мүмкүн эмес нерсе. Кичинекей ийне менен кантип денеге чип киргизүүгө мүмкүн болсун? Ал эмне болгон чип, кимдер аркылуу келген, эч ким билбейт. Андыктан ата-энелерди интернет айдыңындагы такталбаган ар кандай маалыматтарга ишене бербөөгө чакырам. Баланы эмдетүү керек. Бул вакциналар жөнү жок эле пайда болуп калган эмес. Алар Дүйнөлүк саламаттыкты сактоо уюмунун көзөмөлүндө, расмий сертификаттардан өткөн дары-дармектер. Бул оңой иш эмес. Мисалы, 2018-2019-жылдары кичинекей балдар арасында кызамык күч алганда баш тарткан эки үй-бүлөнүн ымыркайлары чарчап калды. Азыр да өлкөдө көк жөтөл бар. Ал вакцинациядан баш тарткан ата-эненин балдарында күч алып жатканы байкалууда", — деди Кыргызбаев.

Дарыгер эмдөөгө байланышкан так маалыматтарды https://privivka.kg/ сайты аркылуу алып турууга чакырды.

Тема боюнча

Батырбекова: биз өзүбүз жашаган коомду сыйлоого милдеттүүбүз
Кыргызбаев: учурда өлкөдө 12 ооруга каршы эмдөө жүргүзүлөт
Белгилер:
Азим Кыргызбаев, укук, ден соолук, ата-эне, эмдөө

ЭҢ МААНИЛҮҮ