Радиостудия Sputnik Кыргызстан в Бишкеке - Sputnik Кыргызстан
Радио

Бейшеналиев: дистанттык окуу пандемияда гана эмес, жай турмушта да керек

© Sputnik / Асель СыдыковаБорбор Азия регионалдык институтунун төрагасы, тарых илимдеринин доктору Алмазбек Бейшеналиев. Архив
Борбор Азия регионалдык институтунун төрагасы, тарых илимдеринин доктору Алмазбек Бейшеналиев. Архив - Sputnik Кыргызстан
Жазылуу
Борбор Азия регионалдык институтунун төрагасы, тарых илимдеринин доктору Алмазбек Бейшеналиев аралыктан билим берүү пандемия бүткөн учурда да керектелерин айтты.
Бейшеналиев: дистанттык окуу пандемияда гана эмес, жай турмушта да керек

Дистанттык окутуу арга жоктон, чукул учурда кирип калды. Ошентсе да биз бул ыкмага мурдатан даярданышыбыз керек эле. Мындай пикирин Алмазбек Бейшеналиев Sputnik Кыргызстан радиосуна маек куруп жатып билдирди.

Анын айтымында, учурда мектеп окуучулары, студенттер билим алып жаткан тиркеме, порталдар сапаттуу окутууну толук кандуу камтый албайт.

"Пандемияга байланыштуу дистанттык окутууга өтүүгө мажбур болдук. Чын-чынына келгенде, биз бул дүйнөлүк ыкмага күн мурунтан даяр болушубуз керек эле. Жада калса коңшуларыбыз Өзбекстан, Казакстан да билим берүү тармагында бизден алдыга кетти. 30 жыл мурда деңгээлибиз бирдей эсептелген Эстонияны алып көрөлүчү, билим берүү системасы эң мыкты мамлекет катары биринчиликке чыкты. Биз мына ушундай ийгиликтерге жетишкен өлкөлөрдүн тажрыйбасын чогултуп, улуттук өзгөчөлүктөргө ылайыкташтырып иштеп чыгышыбыз керек. Дистанттык окутуу бир эле коронавирус жайылган кезде эмес, жай турмушта да керектелет. Бала ар кандай себептер менен мектепке келе албай калса же башка учурларда аралыктан окутууда сапаттуу механизмдер болушу шарт", — деди Бейшеналиев.

Профессор кыргыз билим берүү системасында алдыга прогноз жасап, программа түзө турган илимпоздордун тобу жок болуп жаткандыгын кошумчалады.

Жаңылыктар түрмөгү
0