Радиостудия Sputnik Кыргызстан в Бишкеке - Sputnik Кыргызстан
Радио

Дарыгер-реаниматолог: адамдын өлүмүнө көнүү кыйын

© Sputnik / Табылды КадырбековДарыгер-реаниматолог Мээрзат Үсөн кызы
Дарыгер-реаниматолог Мээрзат Үсөн кызы - Sputnik Кыргызстан
Жазылуу
Дарыгер-реаниматолог Мээрзат Үсөн кызы башка дарыгерлерден айырмаланып реаниматолог бейтаптын абалына жараша тез чечим чыгарып, аз убакыттын ичинде өмүрүн сактап калууга аракет кыларын айтты.
Дарыгер-реаниматолог: адамдын өлүмүнө көнүү кыйын

Менин практикамда бейтап реанимацияда эң аз жарым күн, эң көп 68 күн жаткан. Бул тууралуу Мээрзат Үсөн кызы Sputnik Кыргызстан радиосунун эфиринде маек куруп жатып билдирди.

Айтымында, ал экстрим, тез кыймылдоону жактыргандыктан реаниматолог болууну чечкен.

"Биздин бөлүмгө жаңы төрөлгөн ымыркайдан баштап кары-картаңдар жана башка түрдүү адамдар түшөт. Эгер адамдын аң-сезими ордунда болбой, дендароо тартып, өз алдынча дем ала албаса, инфаркт, инсульт болгондор, ар кандай олуттуу кырсыкка кабылгандар болсо, анда ал биздин бейтап болуп эсептелет. Албетте, жумушта бир топ кыйын учурлар болот. Ар бир бейтапка сарсанаа болуп, жүрөгүң ооруйт. Бизде "реаниматолог эки жолу өлөт" деп коюшат. Биринчиси — колун кармап, анын ден соолугун жакшыртууга аракет кылган бейтап каза болгондо, экинчиси — ал кабарды туугандарына айткан учурда. Бир-эки жума бою каза болгон бейтап тууралуу ойлоносуң. Мен көбүнчө наристелер чарчап калганда жаман болом. Эми 10 жыл мурдагыга салыштырмалуу эмоцияларды башкарып, өзүмдү кармап калдым. Ошентсе да адамдын өлүмүнө көнүү мүмкүн эмес", — деди Үсөн кызы.

Дарыгер көчөдө адам кулап жаткан болсо, мейли спирт ичимдиги жыттанып жаткан болсо дагы басып кетпей, медиктерге кабар берип коюуга чакырды.

Жаңылыктар түрмөгү
0