23:28 28 Тогуздун айы 2021
Түз эфир
  • USD84.7974
  • EUR98.2887
  • RUB1.2024

Ырсалиев: коронавирус азык-түлүктөн жукпайт

Радио
Кыскача шилтеме алуу
Дүйнөгө жайылган коронавирус (1568)
22810

Мамлекеттик ветеринардык көзөмөл башкармалыгынын башчысы Төлөн Ырсалиев Кытайдан келген эт жана башка азык-түлүктөрдөн коронавирус жукпай турганын айтты.

Ырсалиев: коронавирус азык-түлүктөн жукпайт

Акыркы изилдөөлөр боюнча, коронавирус адамдан адамга жугат деп тастыкталды. Вирус сырткы чөйрөдө алсыз. Демек социалдык тармакта айтылып жаткан эт же бананды жегенде илдет жугат экен деген маалыматтар туура эмес. Бул тууралуу Төлөн Ырсалиев Sputnik Кыргызстан радиосунун эфиринде маек куруп жатып билдирди.

Анын айтымында, чек ара көзөмөл пункттарында кызмат өтөп жаткандар атайын кийимдер, унаалар жана тийиштүү шаймандар менен камсыздалган.

"Мамлекеттик ветеринардык көзөмөл башкармалыгы Кытайда коронавирус илдети катталганын угары менен эле ал өлкөдөн келген эт жана башка азыктарга убактылуу чектөө киргизди. Акыркы жолу декабрь айында Ухань шаарынан 511 чакырым алыстыкта жайгашкан провинциядан 48 тонна эт келген. Албетте, ал эт ветеринардык лабораториялык көзөмөлдөн өткөндөн кийин гана сатыкка уруксат берилген. Ал эми чектөө киргизүү вирус малдын этинен же башка өсүмдүктөн жугат дегендик эмес. Аталган продукцияны алып келип жаткан адамдар менен байланыш болгондо оору жугушу мүмкүн болгондуктан алдын алуу аракети болуп эсептелет. Өлкөдө коронавирус боюнча атайын штаб түзүлгөн. Ага ветеринардык көзөмөл жүргүзүү кызматы дагы кирген. Алсак, Саламаттык сактоо министрлигинин кызматкерлери келгендердин дене табын текшерүүдө. Ал эми биздин кызматкерлер ветеринардык көзөмөлгө тиешелүү товарларды текшерип жатат. Аэропортто шарт боюнча колго беш килограммга чейин жүк алып өтүүгө болот. Бирок кырдаалга байланыштуу учурда колго жүк алууга такыр тыюу салынып жатат", — деди Ырсалиев.

Ошондой эле ал интернетте тарап жаткан такталбаган маалыматтарга ишенбөөгө чакырды.

Тема:
Дүйнөгө жайылган коронавирус (1568)
Белгилер:
коронавирус, эпидемия, ветеринария

ЭҢ МААНИЛҮҮ