17:45 20 Тогуздун айы 2020
Түз эфир
  • USD81.2050
  • EUR95.6676
  • RUB1.0441

Мукамбетов: көзү өткөн адамдын пенсиясы 23 жашка чейинки балдарына төлөнөт

Радио
Кыскача шилтеме алуу
340 0 0

Социалдык фонддун маалымат кызматынын жетекчиси Жеңишбек Мукамбетов мыйзам боюнча пенсия курагына жетпей каза болгон адамдардын пенсиясынын топтомо бөлүгү мураскорлоруна төлөнүп берерин айтты.

Мукамбетов: көзү өткөн адамдын пенсиясы 23 жашка чейинки балдарына төлөнөт

Көзү өткөн адамдын 23 жашка чейинки баласы же кызы болсо, ал окуу жайда билим алса, анда маркумдун пенсиясы ошол мураскоруна төлөнөт. Бул тууралуу Жеңишбек Мукамбетов Sputnik Кыргызстан радиосунун таңкы эфиринде маек куруп жатып билдирди.

Анын айтымында, мындай мыйзам баккан адамынан ажыраган үй-бүлө мүчөлөрүнүн бардыгына, анын ичинде жубайына да тиешелүү.

"Баккан кишисинен ажыраган учурда 18ге жашы толо элек балдарына жана пенсия курагына жетип, бирок акча албаган, башка каржы булагы жок учурда жубайына, ошондой эле окуп жаткан 23 жашка чейинки балдарына да пенсия берилет. Мындан башка учурда, тилекке каршы, көзү өткөн адамдын пенсияга чогултулган акчасы мураскорлоруна төлөнбөйт. Анткени бизде пенсия жашы орто эсеп менен 75 жаш деп алынгандыктан, 80-90го чыккан карыяларга "сиздин акчаңыз түгөндү" деп пенсия бербей кое албайбыз. Мына ушундай карыяларга пенсиясынын топтомо бөлүгүн чогултуп жүрүп, бирок жаш курагы жетпей кайтыш болуп кеткен адамдардын каражаты жумшалат", — деди Мукамбетов.

Ал мыйзамда көрсөтүлгөн мураскерлер каза болгон адамдын пенсиясынын топтомо бөлүгүн бир жолу дароо алып, акчаны чет мамлекетке чыгарып кетүү мүмкүнчүлүгү да бар экендигин кошумчалады.

Тема боюнча

ЕАЭБ макулдашуусу: мигранттар иштеген өлкөдөн пенсия ала баштайт
Токтошев: өлкөдө келечекте пенсия төлөп бере албай калуу коркунучу бар
Мукамбетов: мигрант ЕАЭБге мүчө бардык өлкөдөн бир учурда пенсия ала алат
Белгилер:
мураскор, мыйзам, пенсия, Жеңишбек Мукамбетов

ЭҢ МААНИЛҮҮ