Радиостудия Sputnik Кыргызстан в Бишкеке - Sputnik Кыргызстан
Радио

Шаршеев: быйыл кыргыз-тажик чек арасында 13 чыр-чатак катталды

© Sputnik / Асель СыдыковаПредседатель ГПС КР Уларбек Шаршеев
Председатель ГПС КР Уларбек Шаршеев - Sputnik Кыргызстан
Жазылуу
Мамлекеттик чек ара кызматынын төрагасы Уларбек Шаршеев 2020-жылда чыр-чатактардын алдын алуу үчүн жергиликтүү элге түшүндүрүү иштери жүргөнүн айтты.
Шаршеев: быйыл кыргыз-тажик чек арасында 13 чыр-чатак катталды

2014-жылы 34 чыр-чатак болуп, чек ара кызматкерлери тарабынан үч жолу курал колдонулган. Бул жылы үч эсе аз араздашуу катталып, үч жолу курал колдонулса, анын экөө жергиликтүү калк тарабынан болгон фактылар. Бул тууралуу Уларбек Шаршеев Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, КРдин жалпы чек арасынын узундугу 4700 чакырымдан ашык.

"Кыргыз-казак чек арасы 1257 чакырым, кыргыз-кытай 1084, кыргыз-тажик 970 жана кыргыз-өзбек чек арасы 1388ден ашык чакырымды түзөт. Кытай жана Казакстан менен чек ара маселеси жок. Делимитация, демаркация иштери толук бүткөн. Бул жылы 16 чыр-чатак болсо, анын бирөө Казакстан менен, экөө Өзбекстан, 13 маселе Тажикстан мамлекети менен жаралды. Өзбекстан-Кыргызстан ортосунда чек аранын 85 пайызы такталып, келишимге кол коюлган. Калган тилкелер боюнча өкмөттүн чек араны тактоо өкүлчүлүгү иш алып барып жатат. Ал эми биз үчүн эң көйгөйлүүсү — кыргыз-тажик чек арасы. Учурда бул багытта атайын түзүлгөн комиссия иштөөдө. Албетте, чек ара маселеси эки тараптуу чечиле турган иш. Эки мамлекет бир чечимге келмейинче чыр-чатак тыйылбайт. Жакында Баткен, Ош, Жалал-Абад облустарына барып, жергиликтүү калкка чек ара боюнча түшүндүрүү иштерин жүргүзүп келдик", — деди Шаршеев.

Төрага калк арасында чек арада өзүн алып жүрүү боюнча түшүндүрүү иштерин жүргүзүүгө жергиликтүү бийлик өкүлдөрү, УКМК жана милиция кызматкерлери жардам берип жатканын кошумчалады.

Жаңылыктар түрмөгү
0