06:49 15 Бештин айы 2019
Түз эфир
  • USD69.8482
  • EUR78.0693
  • RUB1.1166
Мамлекеттик каттоо кызматынын алдындагы Инфоком мамлекеттик ишканасынын техникалык маселелер боюнча директорунун орун басары Асел Кененбаева. Архив
© Sputnik / Табылды Кадырбеков

Кененбаева: биометрикалык паспорт менен коңшу өлкөлөргө чыгууга болот

Радио
Кыскача шилтеме алуу
67 0 0

Мамлекеттик каттоо кызматынын алдындагы Инфоком мамлекеттик ишканасынын техникалык маселелер боюнча директорунун орун басары Асел Кененбаева биометрикалык паспорт менен эле бир катар коңшу мамлекеттерге чыкса болорун айтты.

Чиптүү паспорттор 2017-жылдын 1-майынан тарта бериле баштаган. Учурда 1 миллион 300 миң жаран колдонуп жатат. Бул тууралуу Асел Кененбаева Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, биометрикалык паспорттун ээси андагы маалыматтарды өзгөртө албайт.

"Биометрикалык паспортко микросхемалуу чип орнотулат. Мындай документи барлар биздин электрондук порталда жайгашкан 30дай электрондук сервисти колдоно алышат. Алар үйдөн чыкпай эле жаңы паспорт алууга, нике тууралуу күбөлүк алууга арыз бере алат, өзү жөнүндө, диплом же аттестаты тууралуу маалыматты текшере алат, Carcheck сервиси аркылуу унаа тууралуу маалымат алууга, айып пулду текшерүүгө болот. Андан тышкары, Россия, Өзбекстан, Казакстан мамлекеттерине ошол эле паспорт менен чыгып келүү мүмкүнчүлүгү бар", — деди Кененбаева.

Ал чипте жарандын аты-жөнү, туулган күнү, жылы, үй-бүлөлүк абалы, саламаттыгы тууралуу маалыматтар, жүзүнүн жана көзүнүн карегинин сүрөтү, ошондой эле манжа изин камтыган маалыматтар бар экенин кошумчалады.

Тема боюнча

Кененбаева: электрондук кол тамга менен үйдөн чыкпай документ алууга болот
Белгилер:
паспорт, чип, сервис, Мамлекеттик каттоо кызматы

ЭҢ МААНИЛҮҮ