08:27 16 Бештин айы 2019
Түз эфир
  • USD69.8482
  • EUR78.0693
  • RUB1.1166
Экономика министрлигинин аймактарды өнүктүрүү башкармалыгынын башчысы Айбек Кадыров
© Sputnik / Табылды Кадырбеков

Кадыров: республикада "Жашыл экономика" жумалыгы өтөт

Радио
Кыскача шилтеме алуу
41 0 0

Экономика министрлигинин аймактарды өнүктүрүү башкармалыгынын башчысы Айбек Кадыров 2015-жылдан бери жыл сайын "Жашыл экономика" форуму уюштурулуп келерин айтты.

11-ноябрдан 17-ноябрга чейин өлкөнүн бардык аймактарында "Жашыл экономика" жумалыгы өткөрүлөт. Бул тууралуу Айбек Кадыров Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, "Жашыл экономика" форуму быйыл мурдагы жылдардан айырмаланып туура бир жумага созулат.

"Жашыл экономиканы жайылтуу багытында уюштурулуп келген форум бул жылы мааракелик болуп, бешинчи ирет өткөрүлгөнү жатат. Мурунку жылдардан айырмаланып быйыл бир жумага созулат. "Жашыл экономика" жумалыгынын алкагында көптөгөн тармактарга көңүл бурулуп, 5-6 күндүн ичинде туризм, транспорт, энергетика, өндүрүш, айыл чарба, билим берүү жана маалымат жеткирүү багытында иш-чаралар өлкөнүн бардык аймактарында өткөрүлөт. Жумалыктын акырында Бишкекте форум болуп, анда жашыл экономиканы өнүктүрүү боюнча маселелер козголот жана ага чет өлкөлүк эксперттер да катышат. Ага бардык каалоочулар катыша алышат", — деди Кадыров.

Ошондой эле ал быйылкы "Жашыл экономика" жумалыгы 2019-жыл  - Аймактарды өнүктүрүү жана өлкөнү санариптештирүү жылынын алкагында өткөрүлөрүн кошумчалады.

Тема боюнча

Темиркулов: "Туруктуу өнүгүү альянсы" үч багытта иш алып барат
Белгилер:
форум, жумалык, жашыл экономика

ЭҢ МААНИЛҮҮ