15:00 12 Жетинин айы 2019
Түз эфир
  • USD69.8426
  • EUR77.0294
  • RUB1.0928
Айыл чарба тармагындагы эксперт Дария Тогузбаева. Архив
© Sputnik / Табылды Кадырбеков

Тогузбаева: күзүндө төлү майдаланып кеткен малды сатып салыш керек

Радио
Кыскача шилтеме алуу
153 0 0

Айыл чарба тармагындагы эксперт Дария Тогузбаева саан жана бооз малга тоютту 5-10 пайыз көбөйтүү керектигин айтты.

Кышында мал түнкүсүн жабык, жылуу сарайда турса, күндүз таза абага чыгып, басып турушу керек. Бул тууралуу Дария Тогузбаева Sputnik Кыргызстан радиосунун эфиринде маек куруп жатып билдирди.

Анын айтымында, кышкысын саан уйлар жылуу жайга киргизилбесе, 50 пайыздан көп энергиясын сүт өндүрүүгө эмес, өзүн жылытууга жумшап, сүт берүүсү азаят.

"Асыл тукум малдын өзгөчөлүгү — анын сүтү менен эти абдан жакшы болот. Эгер малдын эркегин эки жылда бир алмаштырбаса, тукуму майдаланып кетет. Жеген жеми ошол эле көлөмдө болгону менен кунардуулугу кескин азаят. Август, сентябрь айларында тоодон түшкөн малды жараксыз деп эсептей берүү керек. Мисалы, төлү майдаланып же ооруган арык малды өзүнчө кармап, сатып, ал каражатка асыл тукум мал алып койгон оң. Ошондо гана чарба кирешелүү болот", — деди Тогузбаева.

Ал кой, эчкиге суткасына эки килограмм чөп, 400 грамм жем берилсе, ири мүйүздүү малга бир күндө төрттөн 15 килограммга чейин чөп, үч килограммга чейин жем берилиши керектигин кошумчалады.

Тема боюнча

Тогузбаева: жапыз бактардын аралыгы 4 метрден кем болбошу керек
Белгилер:
уй, асыл тукум, мал чарбасы

ЭҢ МААНИЛҮҮ