16:03 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Соода-өнөр жай палатасынын улук вице-президенти Амангелди Давлеталиев
© Sputnik / Асель Сыдыкова

Давлеталиев: логистикалык борборлор көбөйсө экспорттун да көлөмү өсөт

Радио
Кыскача шилтеме алуу
20 0 0

Соода-өнөр жай палатасынын улук вице-президенти Амангелди Давлеталиев чет өлкөлөрдө Кыргызстанда өндүрүлгөн продукцияга кызыгуу күч экенин айтты.

Логистикалык борборлорду куруп жана өлкөдө өндүрүлгөн продукцияны ири өлчөмдө чет мамлекеттерге чыгармайын экспорттун көлөмү да өспөйт. Бул тууралуу Амангелди Давлеталиев Sputnik Кыргызстан радиосунун таңкы эфиринде маек куруп жатып билдирди.

Анын айтымында, чакан жана орто бизнес менен алектенген ишкерлер биригип чоң компанияларды түзүү менен өндүргөн продукциясына сертификат алышы керек.

"Бүгүнкү күндө Кыргызстанда өндүрүлгөн айыл чарба продукциясына Россиянын Москва, Санкт –Петербург, Новосибирск жана Урал өңдүү чоң шаарларынан буйрутмалар келип түшүп жатат. Бирок алар өндүрүмдү миңдеген тонна менен алып кетүүгө кызыкдар. Тилекке каршы, андай талаптарды биз аткара албай жатабыз. Себеби продукцияны ири көлөмдө топтоп, сактай турчу логистикалык борборлорубуз жетишпейт. Бул маселени тезинен чечүү керек. Мамлекет тарабынан колдоо талап кылынат. Ошондой эле өз алдынча иш алып барып, чакан жана орто бизнес менен гана алектенген дыйкан-фермерлердин башын бириктирүү зарыл. Андай майда ишканаларды ири компанияга айландырып, сертификат менен камсыздоо шарт. Продукциянын көлөмү канчалык көп болсо, чет өлкөлүк экспортердун да кызыгуусу ошончолук артат", — деди Давлеталиев.

Ошондой эле ал 15-16-октябрь күндөрү нидерланддык ишкерлер Бишкек шаарына келип, соода-экономикалык алака түзүү жана кызматташуу багытында бизнес-форум өткөрүшөрүн кошумчалады.

Тема боюнча

Бишкекте нидерланддык ишкерлер экспорт боюнча бизнес-форум өткөрүшөт
Белгилер:
компания, экспорт, логистикалык борбор

ЭҢ МААНИЛҮҮ