Радиостудия Sputnik Кыргызстан в Бишкеке - Sputnik Кыргызстан
Радио

Муратов: эгемендүүлүккө ээ болгону илим тармагын унуттук

© Фото / пресс-служба Минобрнауки КРЗаместитель министра образования и науки КР Абдиманнап Муратов
Заместитель министра образования и науки КР Абдиманнап Муратов - Sputnik Кыргызстан
Жазылуу
Билим берүү жана илим министрлигинин алдындагы Илим департаментинин мурунку директору Абдиманап Муратов мамлекет тарабынан илимге кайдыгер мамиле жасалып жаткандыгына кейиди.
Муратов: эгемендүүлүккө ээ болгону илим тармагын унуттук

1993-жылы Кыргызстанда мамлекеттик илим жана технологиялар комитети бар болчу. Кыскартып отуруп министрликке илим деген сөздү кошуп, 5-6 кишиден турган бөлүмгө айланып, комитет жоюлду. Бул тууралуу Абдиманап Муратов Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, Улуттук илимдер академиясын өзүнчө, башка илим тармагындагы мекемелерди өз алдынча коюп койбой, мамлекет тарабынан көзөмөлдөп караган орган керек.

"Эгемендүүлүк алганы илим унутта калды. Иштеп турган комитетти чекесинен кертип отуруп, Илимдер академиясы өзүнчө иш алып барып, патент кызматы интеллектуалдык менчик аталып башкача иштөө жолун тандап алды. Ушинтип чачырап отуруп 20 жылдан соң илим деген сөздү Билим берүү министрлигине кошуп, 5-6 гана кишиден турган бөлүм ачылды. Бир бөлүм республикадагы илим тармагынын саясатын жүргүзүп, ишин илгерилеткенге чама-чаркы жетеби? 2015-жылы илим тармагынын мындан аркы кадамдары тууралуу атайын концепция кабыл алынган. Эми анын иштеп кетүүсүн көзөмөлдөө зарыл", — деди Муратов.

Ал мамлекет илимге олуттуу мамиле жасап, чет элде жүргөн жаш илимпоздорду кайтаруу саясатын колго алышы учур талабы экендигин кошумчалады.

Виджет news
Жаңылыктар түрмөгү
0