21:07 15 Аяк оона 2019
Түз эфир
  • USD69.8500
  • EUR77.4846
  • RUB1.0834
Жалпы практикалык тиш доктур Бактыяр Бузурманов
© Sputnik / Табылды Кадырбеков

Бузурманов: протезди үй шартында оңдоо аны жарактан чыгарат

Радио
Кыскача шилтеме алуу
27 0 0

Жалпы практикалык тиш доктур Бактыяр Бузурманов сынып калган протезди үй шартында чаптоого аракет кылган бейтаптар көп экенин айтты.

Кийме тиш өйкөсө же жакшы отурбай жатса, стоматологго гана кайрылып оңдотуу керек.

Мындай пикирин Бактыяр Бузурманов Sputnik Кыргызстан радиосунун эфиринде маек куруп жатып билдирди.

Анын айтымында, чапталып, оңдолгон протез көпкө чыдабайт.

"Көбүнесе бейтаптар протезди үй шартында оңдоп-түзөөгө аракет кылышат. Аны өз алдынча чаптагандан кийин дарыгер кайра жасап бере албайт. Үй шартында жамалган кийме тиш жарактан чыкты деп эсептелет. Ал колдонгонго ыңгайлуу болгон күндө да организмге олуттуу зыян тийгизиши мүмкүн. Андыктан сынып калган учурда ошол бойдон стоматологго алып келүү керек", — деди Бузурманов.

Стоматолог протездер клиникалык аспаптардын жардамы менен гана оңдолорун кошумчалады.

Тема боюнча

Бузурманов: бала төрөлгөндөн баштап эле тишине кам көрүү зарыл
Белгилер:
коопсуздук, оңдоо, стоматолог, протез

ЭҢ МААНИЛҮҮ