17:17 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Бишкек шаардык мэриясынын Билим берүүнү өнүктүрүү бөлүмүнүн башчысы Гүлмира Акматова
© Sputnik / Эркин Садыков

Акматова: муниципалдык бала бакчалар бөбөктөрдү кабыл алууга даяр

Радио
Кыскача шилтеме алуу
39 0 0

Бишкек шаардык мэриясынын Билим берүүнү өнүктүрүү бөлүмүнүн башчысы Гүлмира Акматова борбор калаадагы муниципалдык бала бакчаларды атайын комиссия текшерип чыкканын айтты.

Бишкек шаарынын мэриясына караштуу бардык бала бакчаларга толугу менен оңдоп-түзөө иштери жүргүзүлүп, балдарды кабыл алууга даяр. Бул тууралуу Гүлмира Акматова Sputnik Кыргызстан радиосуна маек куруп жатып билдирди.

Анын айтымында, Бишкекте 86 муниципалдык бала бакча бар болсо, алардын он бири атайын бала бакча болуп эсептелет.

"Жыл сайын Бишкек шаарынын мэриясынын кызматкерлери, Билим берүү жана илим министрлигинин өкүлдөрү жана биздин бөлүмдүн адистеринен куралган комиссия түзүлөт. Алар июль жана август айлары борбор калаадагы муниципалдык бала бакчаларды кыдырып, жүргүзүлгөн оңдоп-түзөө иштери жана мекеменин жалпы абалы менен таанышып чыгышат. Быйылкы жылы да бул багыттагы тийиштүү иштер жүргүзүлүп, жалпы 86 муниципалдык бала бакчалар комиссия тарабынан текшерилди. Алардын баары талапка жооп берет деп табылып, эми сентябрь айынан тарта кенже тайпага балдарды кабыл ала башташты", — деди Акматова.

Ошондой эле ал учурда Бишкек шаары боюнча бала бакчага кирүү үчүн 17 823 бөбөк кезекте турганын кошумчалады.

Тема боюнча

Акматова: орус тилдүү мектептерге мугалим табуу кыйын болуп жатат
Белгилер:
даярдык, ремонт, бала бакча, Бишкек

ЭҢ МААНИЛҮҮ