03:28 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Маданият, маалымат жана туризм министринин орун басары Кайрат Иманалиев
© Sputnik / Асель Акматалиева

Иманалиев: Көчмөндөр оюндарынын максаты — элди биримдикке чакыруу

Радио
Кыскача шилтеме алуу
67 0 0

Маданият, маалымат жана туризм министринин орун басары Кайрат Иманалиев Таласта өтө турган Көчмөндөр оюндарына даярдыктар кызуу жүрүп жаткандыгын белгиледи.

Көчмөндөр оюндарын республикалык деңгээлде жыл сайын өткөрүүнүн максаты — элди биримдикке, ынтымыкка чакыруу. Ата-бабалардын үмүт-тилеги кандай болгон, ошону биз татыктуу аткарып жатабызбы деген идеологияны чагылдыруу. Бул тууралуу Кайрат Иманалиев Sputnik Кыргызстан радиосунда маек куруп жатып билдирди.

Анын айтымында, аталган иш-чара 16-21-сентябрь күндөрү Талас облусундагы "Манас Ордо" маданий-тарыхый комплексинде өтөт.

"Көчмөндөр оюндары мындан ары жыл сайын республиканын ар облусунда өткөрүлүп турмакчы. Максаты - элдин биримдигин чыңдоо, ынтымакка үндөө. Ошондой эле нечен кылымдан бери бирде ылдый, бирде өрдү карай жол тартып келе жаткан кыргыз көчүнүн тарыхы, маани-маңызы менен жаш муунду тааныштыруу, аларга тарбиялык насаат катары ата-бабалардын баскан жолун ачып көрсөтүү болуп саналат. Дүйнөлүк көчмөндөр оюндары өткөрүлгөндө айрым атуулдар долбоордун кереги жоктугун, чыгымдан башка пайдасы болбостугун айтып чыгышкан. Бирок мындай иш-чаралар элге кадыресе дем-күч берерине күбө болдук. Андыктан, жан дүйнөнү байытуу максатында келечек муунга тарбиялык маанисин көрсөтүү үчүн бул долбоор уланып, өткөрүлүп турушу керек", — деди Иманалиев.

Ошондой эле ал Таласта өтчү маданий, спорттук оюн-зооктордун баары көрүүчүлөр үчүн акысыз тартууланарын кошумчалады.

Тема боюнча

Жаңы ипподром, этнофестиваль, спорттун 10 түрү. Көчмөндөр оюнуна даярдык күч
Белгилер:
тарых, ордо, Манас, Талас, Дүйнөлүк көчмөндөр оюндары, Кайрат Иманалиев

ЭҢ МААНИЛҮҮ