10:18 18 Аяк оона 2019
Түз эфир
  • USD69.7942
  • EUR76.9027
  • RUB1.0885
Археолог, тарыхчы, КТМУнун профессору Кубатбек Табалдыев. Архивдик сүрөт
© Sputnik / Жасмин Малашева

Табалдыев: көптөгөн кара каракчылар тарыхый эстеликтерди башка өлкөгө сатууда

Радио
Кыскача шилтеме алуу
52 0 0

Археолог, тарыхчы, КТМУнун профессору Кубатбек Табалдыев эл тарыхый эстеликтердин маанисин билип, алар тууралуу кабары болушу керектигин айтты.

Мыйзамсыз иштеп жаткан кара каракчыларды Кыргызстанга жолотпош керек. Мындай пикирин Кубатбек Табалдыев Sputnik Кыргызстан радиосунун таңкы эфиринде маек куруп жатып билдирди.

Анын айтымында, көптөгөн кара каракчылар Кыргызстандагы эстеликтерди башка өлкөгө сатып жатат.

"Биз менен удаа эле документи жок, мыйзамсыз түрдө жер казып иштеп жаткан археологдор бир топ. Мындай кара каракчыларды өлкөгө жолотпош керек. Буга чейин буюмдарды жасалма документ аркылуу чет өлкөгө алып чыгып саткан бир канча фактылар кездешти. Тилекке каршы, бул көйгөй дагы деле уланууда. Канчалаган кара каракчылар Кыргызстандын бардык жерин жойлоп, биздин эстеликтерди башка өлкөлөргө сатып жатышат. Жерибиз тонолуп жатат. Жер казып жаткан археологдорду жөнөкөй айыл тургундары деле көргөн учурда алардын документин сурап, эгер жок болсо жергиликтүү бийлик өкүлдөрүнө же милицияга кайрылса мекени үчүн пайда алып келген болот эле", — деди Табалдыев.

Ал ошондой эле өзүнүн Улуттук илимдер академиясы тарабынан берилген уруксат кагазы бар экенин кошумчалады.

Белгилер:
каракчылык, эстелик, тарых, археология

ЭҢ МААНИЛҮҮ