12:24 20 Баш оона 2019
Түз эфир
  • USD69.7839
  • EUR77.4776
  • RUB1.0477
Өнүгүү — Прогресс фракциясынын депутаты Тазабек Икрамов
© Sputnik / Эркин Садыков

Икрамов: "арстан", "жолборс" деген фейктерге көңүл деле бурбай калдым

Радио
Кыскача шилтеме алуу
23001

"Өнүгүү — Прогресс" фракциясынын депутаты Тазабек Икрамов социалдык тармактагы өзүнө айтылган сын-пикирлерге болгон көз карашын билдирди.

"Арстан", "жолборс" деп өзүн жашырып алган соцтармактагы фейктерге көңүл деле бурбай калдым. Бул тууралуу Тазабек Икрамов Sputnik Кыргызстан радиосунун таңкы эфиринде маек куруп жатып айтты.

Анын пикиринде, атайын бирөөлөргө жалданып же башка бир адамдарды каралоо максатында иш алып барган фейктер бар.

"Биздин коомдо учурда социалдык тармактар чынында абдан популярдуу болуп кетти. Бул убактылуу көрүнүш деп ойлойм. Өз ысымын, сүрөтүн жашырып "арстан", "патриот", "жолборс" деген аттарды коюп алып, элге туура эмес маалымат жеткирүүнү көздөгөндөр бар. Андайлар социалдык тармактарда 30-40ка чукул эле киши. Тилекке каршы, учурунда фейк же чыныгы колдонуучу экенин билбей, жөнөкөй эл анын пикири менен эсептешип, ой бөлүшүп, комментарий калтырып алат. Бирок кийинчерээк байкап калышат. Мен мындай пикирлерге азыр көңүл деле бурбай калдым. Башкысы, эл аралап көп жүргөндүктөн чыныгы маселе, көйгөйлөр менен түз, элдин өз оозунан таанышып турам", — деди Икрамов.

Депутат аткарар жумушу бар адамдардын интернет айдыңында түрдүү ой жаратканга аракет жасоого убактысы болбойт деген пикирин кошумчалады.

Тема боюнча

Айтматова: апамды эл душманынын аялы деп жумушка албай коюшкан
Белгилер:
фейк, ишеним, эл, маалымат, депутат, Тазабек Икрамов

ЭҢ МААНИЛҮҮ