02:43 22 Аяк оона 2019
Түз эфир
  • USD69.8317
  • EUR77.1501
  • RUB1.0937
Экологиялык жана техникалык коопсуздук мамлекеттик инспекциясынын Кара-Суу райондук башкармалыгынын башчысы Рысбек Юсупов
© Sputnik / Зульфия Тургунова

Юсупов: Оштогу жарылуу болгон май куюучу жайда эреже бузуу катталды

Радио
Кыскача шилтеме алуу
48310

Экологиялык жана техникалык коопсуздук мамлекеттик инспекциясынын Кара-Суу райондук башкармалыгынын башчысы Рысбек Юсупов текшерилген май куюучу жайлардын дээрлик баары баа жазылган таблону унаа жолдун кызыл сызыгына орнотуп койгондугун айтты.

Кара-Суу районундагы май куюучу 63 жайдын ичинен 58и текшерүүгө алынды. Бул тууралуу Рысбек Юсупов Sputnik Кыргызстан радиосунун аймактык кабарчысына билдирди.

Анын айтымында, сигнализациясы иштебеген же өрт өчүрүүчү шаймандары жок станция ээлеринин баарына эскертүү берилди.

"Ош шаарындагы Түштүк-Чыгыш кичи районунда жайгашкан күйүүчү май куюучу жайда 2019-жылдын 20-мартында катталган жарылуудан соң Башкы прокуратура жана өкмөттүн тапшырмасынын негизинде Кара-Суу районундагы май куюучу станциялар текшерүүгө алынды. Анын жыйынтыгында бул жайда өрт чыккан учурда кабар берүүчү сигнализациясы иштебей тургандыгы аныкталган. Ал эми Silk Wаy аталышындагы үч станция Кытай мамлекетине караштуу болгондуктан жана башкы кеңсеси Бишкек шаарында жайгашкандыктан кызматкерлери текшерүүгө тоскоолдук жаратышты. Бул ишти биз прокуратурага өткөрүп беребиз. Мындан сырткары, "Россия Нефть" ишканасынын 4 станциясында текшерүү учурунда өрт коопсуздугунун эрежелери сакталбагандыгы аныкталды. Бул боюнча акт түзүлүп, 7500 сом өлчөмүндө айып пул салынды", — деди Юсупов.

Ал ошондой эле Tомас ишканасына таандык делинген 4 станция менен башка имараттардын ортосундагы аралык 50 метрге жетпегендиги аныкталгандыгын жана бул боюнча материал сотко өткөрүлөрүн кошумчалады.

Тема боюнча

Тарпы чыккан бензовоз. Оштогу май куюучу жайдагы өрттүн кесепети сүрөттө
Белгилер:
коопсуздук, Кара-Суу району, май куюучу бекет

ЭҢ МААНИЛҮҮ