Радиостудия Sputnik Кыргызстан в Бишкеке - Sputnik Кыргызстан
Радио

Адис: тамактан ууланбаш үчүн 7 нерсеге көңүл буруу керек

© Sputnik / Табылды КадырбековГлава отдела гигиены питания ЦГСЭН Махамат Мурзашев
Глава отдела гигиены питания ЦГСЭН Махамат Мурзашев - Sputnik Кыргызстан
Жазылуу
Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев күн ысыкта инфекциялык ооруларга чалдыккандардын саны өсөрүн айтты.
Адис: тамактан ууланбаш үчүн 7 нерсеге көңүл буруу керек

Жай мезгилинде катталган уулануулардын көпчүлүгү тамак-аш туура сакталбай жана өздүк гигиенага көңүл бурулбагандыктан болот. Бул тууралуу Махамат Мурзашев Sputnik Кыргызстан радиосуна маек куруп жатып билдирди.

Анын айтымында, инфекциялык ооруларга чалдыккандардын басымдуу бөлүгү жаш балдар.

"Ысыкта тамак-ашты сактоо эрежелерин кынтыксыз аткарыш керек. Себеби азык-түлүк бат бузулат. Мындан улам тамак жасаганда аны бир отуруп жеп түгөткөндөй даярдоо зарыл. Эгер калып калса, аны дароо муздаткычка салуу керек. Жылуу жерде туруп калган тамакты жебеш керек. Ачып кетиши мүмкүн. Ошондой эле той-аштардан келген эт жана салаттардан абайлагыла. Этти үйгө келгенден кийин сууга бир кайнатып алган жакшы. Ал эми салаттардан баш тартып койсо болот. Мындан сырткары, жашылча-жемиштерди эки сыйра жууп, кийин кайнак суу менен чайкоо зарыл. Буга кошумча, өздүк гигиенаны да эстен чыгарбаш керек. Айрымдар убара болгусу келбей бул кеңештерге көп маани бербейт. Бирок андай шалаакылыктын кесепети кейиштүү болуп калышы ыктымал. Жабыркаган ден соолукту калыбына келтириш кыйла оор", — деди Мурзашев.

Ошондой эле ал үстүбүздөгү жылы ишкерлерди текшерүүгө мораторий киргенден тарта коомдук тамактануучу жайларга санитардык-эпидемиологиялык көзөмөл жүргүзүлбөй калганын кошумчалады.

Виджет news
Жаңылыктар түрмөгү
0