15:56 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Маалыматтык технологиялар жана байланыш боюнча мамлекеттик комитеттин төрагасы Дастан Догоев
© Sputnik / Досхан Нусупбеков

Догоев: "Коопсуз шаар" системасында маалыматты өчүрүп коюу мүмкүн эмес

Радио
Кыскача шилтеме алуу
43 0 0

Маалыматтык технологиялар жана байланыш боюнча мамлекеттик комитеттин төрагасы Дастан Догоев "Коопсуз шаар" системасында маалыматтарды алмаштырып же өчүрүп коюу техникалык жактан мүмкүн эместигин айтты.

"Коопсуз шаар" долбоорунун техникалык коопсуздугун сактоо максатында эки система иштейт. Бул тууралуу Дастан Догоев Sputnik Кыргызстан радиосунда маек куруп жатып билдирди.

Анын айтымында, шаар кыймылын көзөмөлдөгөн камераларга байкоо жүргүзүп турган кызматкерлер кызмат абалынан кыянаттык менен пайдаланган учурда мыйзам алдында жооп берет.

"Коопсуз шаар" долбоору боюнча катталып жаткан маалыматтарды өчүрүп коюу же алмаштыруу таптакыр мүмкүн эмес. Анткени долбоор бири-биринен көз карандысыз, эки тараптуу коргонуу системасына ээ. Мисалы, кызматкер бир компьютерден кирип кандайдыр бир маалыматты өчүргөн болсо, башка компьютерде качан, ким тарабынан, кандай маалымат жок кылынгандыгы тууралуу чыгып калат. Ошондой эле ар ай сайын келип түшкөн маалыматтар чогултулуп, аудит жүрүп турат", — деди Догоев.

Аткаминер, мындан сырткары, кызматкерлердин иш-аракеттери атайын журналга катталып, тыкыр көзөмөлгө алынарын кошумчалады.

Тема боюнча

Догоев: мамлекеттик 58 мекеме "Түндүк" системасына туташып иш алып барууда
Белгилер:
маалымат, Коопсуз шаар, санариптик берүү, Дастан Догоев

ЭҢ МААНИЛҮҮ