Радиостудия Sputnik Кыргызстан в Бишкеке - Sputnik Кыргызстан
Радио

Сагынбаев: жеңил өнөр жай тармагында Өзбекстан бизден үлгү алууга кызыкдар

© Sputnik / Табылды КадырбековӨнөр жай, энергетика жана жер казынасын пайдалануу боюнча мамлекеттик комитеттин төрагасынын орун басары Жыргалбек Сагынбаев. Архив
Өнөр жай, энергетика жана жер казынасын пайдалануу боюнча мамлекеттик комитеттин төрагасынын орун басары Жыргалбек Сагынбаев. Архив - Sputnik Кыргызстан
Жазылуу
Өнөр жай, энергетика жана жер казынасын пайдалануу боюнча мамлекеттик комитеттин төрагасынын орун басары Жыргалбек Сагынбаев жеңил өнөр жай тармагында Кыргызстандын дүйнөлүк деңгээлге чыгуу мүмкүнчүлүгү кенен экенин айтты.
Сагынбаев: жеңил өнөр жай тармагында Өзбекстан бизден үлгү алууга кызыкдар

Жеңил өнөр жай тармагында Өзбекстан бизден үлгү алууга кызыкдар. Бул тууралуу Жыргалбек Сагынбаев Sputnik Кыргызстан радиосунун эфиринде маек куруп жатып билдирди.

Анын айтымында, аталган тармакта Кыргызстан бир топ алдыга кеткендиктен, келечекте Түркмөнстан жана Өзбекстандан сырье алып, Кытай менен иштешүүнү пландап жатат.

"Өлкөдө колго алынып, өнүгүп келе жаткан тармактардын бири — жеңил өнөр жайы. Башкача айтканда, 300 миңге чукул кыргызстандык бул кесипти аркалап, үй-бүлөсүн багып келет. Андыктан, бул тармакты дүйнөлүк аренага чыгарып, мындан ары өстүрүү мамлекеттин колунда. Биз бул багытта аракеттерди баштадык. Жакында Ош облусунда бир кластердик ишкана, Чүйдө экөө ачылуу алдында турат. Аларга сырье Өзбекстан жана Түркмөнстандан ташылып келиши күтүлүүдө. Бул тармакта Өзбекстан жергиликтүү ишкерлерден үлгү алууну каалайт. Бул үчүн алар чогуу иштешүүгө даяр экендиктерин билдиришти", — деди Сагынбаев.

Ошондой эле ал Кыргызстан ЕАЭБге мүчө болгондуктан, жеңил өнөр жай жаатында Кытай дагы иштешүүгө кызыкдар экендигин кошумчалалды.

Жаңылыктар түрмөгү
0