Радиостудия Sputnik Кыргызстан в Бишкеке - Sputnik Кыргызстан
Радио

Исмаилова: акыркы тапта айылдыктар чалдыккан оорунун түрү көбөйдү

© Sputnik / Табылды КадырбековКоомдук саламаттык сактоо башкармалыгынын башкы адиси Бактыгүл Исмаилова. Архив
Коомдук саламаттык сактоо башкармалыгынын башкы адиси Бактыгүл Исмаилова. Архив - Sputnik Кыргызстан
Жазылуу
Коомдук саламаттык сактоо башкармалыгынын башкы адиси Бактыгүл Исмаилова коомчулук арасында жугуштуу эмес оорулардын саны өсүп жаткандыгын айтты.
Исмаилова: акыркы тапта айылдыктар чалдыккан оорунун түрү көбөйдү

Акыркы тапта туура эмес тамактанып, ден соолукка кам көрүү аракеттери басаңдап калгандыгына байланыштуу элеттиктер чалдыккан оорунун түрлөрү көбөйдү. Бул тууралуу Бактыгүл Исмаилова Sputnik Кыргызстан радиосуна маек куруп жатып билдирди.

Анын айтымында, алыскы аймак болуп эсептелген Алай району жана Нарын облусунун айрым өрөөндөрүндө эндемиялык илдет болуп эсептелген эхинококкоз жана альвеококкоз оорулары жайылып жатат.

"Акыркы текшерүүлөргө ылайык элет жергесинде жашагандардын көбүндө жүрөк-кан тамыр оорулары, кант диабети, семирүү, боор жана бөйрөктүн дартка чалдыгуусу көп катталып жатат. Андан сырткары, аялдардын жыныстык илдеттери да өзүнчө өнөкөткө айланды. Бул адамдардын туура эмес тамактанып, ден соолугуна кам көрбөй жаткандыгынын кесепети. Мындан сырткары, алыскы аймактардын тургундары ар кандай шарттарга байланыштуу дарыгерлерге убагында көрүнө албай калышат. Айрым жерлерде тийиштүү адистер да жок. Мындан улам калктын саламаттыгы начарлап жатат. Бүгүнкү күндө бул боюнча биз атайын түшүндүрүү иштерин жүргүзүп келебиз. Көчмө клиникалар да иш алып барууда. Ошондой эле аймактарга жаш дарыгерлерди тартуу аракеттери да көрүлүп жатат. Бирок кандай болгон күндө дагы коомчулук өз ден соолугуна өзү кам көрүшү абзел. Ар кандай ооруларга алып келе турчу тамеки менен ичимдиктен алыс болуш керек", — деди Исмаилова.

Ошондой эле ал Чүйдүн көчмө клиникасы учурда Нарын облусунун тургундарынын саламаттыгын текшерип жүргөндүгүн кошумчалады.

Баса, Sputnik альвеококкоз оорусу тууралуу кенен материал даярдаган.

Жаңылыктар түрмөгү
0