13:52 19 Кулжа 2019
Түз эфир
  • USD69.7305
  • EUR78.0284
  • RUB1.0839
Маданият, маалымат жана туризм министрлигинин кызматкери, Мыкты боз үй сынагынын уюштуруучусу Венера Өмүрбек кызы
© Sputnik / Асель Акматалиева

Өмүрбек кызы: Бишкекте "Мыкты боз үй" аттуу кароо-сынак өтөт

Радио
Кыскача шилтеме алуу
153 0 0

Маданият, маалымат жана туризм министрлигинин кызматкери, "Мыкты боз үй" сынагынын уюштуруучусу Венера Өмүрбек кызы боз үйдүн баалуулугун даңазалаш керектигин айтты.

26-июндан 30-июнга чейин Дүйнө элдеринин эпосторунун V эл аралык фестивалынын алкагында "Мыкты боз үй" сынагы өтөт. Бул тууралуу Венера Өмүрбек кызы Sputnik Кыргызстан радиосунун таңкы эфиринде маек куруп жатып билдирди.

Анын айтымында, сынакка чеберлер нукура элдик технологияны колдонуу менен жасалган, ички-сырткы жасалгасы толук бүткөрүлгөн боз үйлөрүн катыштыра алат.

"Аталган фестиваль Бишкек шаарында жана Ысык-Көл жергесинде өтөт. Ага 25тен ашуун өлкөдөн келгендер катышат. Бул саамалыкты ар кайсы облустун өкүлчүлүктөрү менен бирге Маданият, маалымат жана туризм министрлиги уюштурууда. Кыргыздар байыртадан боз үйдү аздектеп келген. Ошол себептен фестивалдын алкагында "Мыкты боз үй" кароо-сынагы өтөт. Иш-чаранын негизги максаты — боз үй жасаган чеберлерден өсүп келе жаткан муундар үчүн салттуу кол өнөрчүлүк мектебин калыптандыруу, элдин күнүмдүк турмушунда унутта калып бара жаткан кол өнөрчүлүк технологиясын кайра жандандыруу", — деди Өмүрбек кызы.

Ал сынакка катышкысы келгендер 20-июнга чейин анкета толтурушу керектигин кошумчалады.

Тема боюнча

1000 долларлык панно. "Ала-Арча" резиденциясында жарманке өтүп жатат
Белгилер:
чебер, сынак, маданият, Боз үй

ЭҢ МААНИЛҮҮ