17:47 14 Тогуздун айы 2019
Түз эфир
  • USD69.8079
  • EUR77.0016
  • RUB1.0846
ӨКМдин Чүй облусу боюнча башкармалыгынын башчысы Азис Эгембердиев
© Sputnik / Асель Акматалиева

Эгембердиев: ата-энелер, балдар сууга түшүүгө жалгыз кетпесин

Радио
Кыскача шилтеме алуу
195 0 0

ӨКМдин Чүй облусу боюнча башкармалыгынын башчысы Азис Эгембердиев аталган башкармалык облустагы суу объектилерин инвентаризациядан өткөргөндүгүн айтты.

Чүй облусунун аймагында жалпысынан 399 көлмө, канал суулары болсо, анын 22си гана түшүүгө жарактуу. Бул тууралуу Азис Эгембердиев Sputnik Кыргызстан радиосунун эфиринде маек куруп жатып билдирди.

Анын айтымында, сууга түшүүгө кооптуу аймактарга тыюу салган атайын белгилер орнотулууда.

"Жай мезгилинде балдар каникулга чыгышат. Келген туристтер да Чүй облусу аркылуу республиканын башка аймактарына барышат. Андыктан бул учурда сууга түшкөндөрдүн саны көбөйөт. Тилекке каршы, жаш балдар ата-энесинин көзөмөлүсүз, өз алдынча кооптуу аймактарда киринип, кырсыкка учурап калып жатышат. Балдар түшкөн суулар көбүнесе сугатчылык багытында колдонулат, терең же астында таш, дүмүрлөр бар болуп калат. Балдарга мындай кооптуу жагдайлар боюнча окуу учурунда мектептерди кыдырып айтып келебиз. Сууга түшүүгө болбогон жайларга атайын белгилерди да коюп жатабыз. Ошентсе да ата-энелерди өз балдарына көңүл бурууга, чоң кишинин кароосу жок сууга түшүүгө жибербөөгө чакырып кетем", — деди Эгембердиев.

Ал сууга түшүүгө уруксат берилген 22 көлмө, бассейндерде куткаруучулар иштерин кошумчалады.

Тема боюнча

Шамырканов: эс алуучу жайлардын коопсуздугун Экотехинспекция текшерет
Белгилер:
ата-эне, балдар, сууга түшүү, көлмө

ЭҢ МААНИЛҮҮ