18:35 20 Теке 2019
Түз эфир
  • USD69.6517
  • EUR78.3651
  • RUB1.1079
Nomad коомдук спорт бирикмесинин маркетологу Айгерим Моношбекова
© Sputnik / Асель Акматалиева

Моношбекова: чуркоону сүйгөн шаар тургундарына шарт түзүп бериш керек

Радио
Кыскача шилтеме алуу
35 0 0

Nomad коомдук спорт бирикмесинин маркетологу Айгерим Моношбекова Бишкектин тургундары кайсы жерде түз жол болсо ошол жерге барып чуркап жатканын айтты.

Бишкек шаарында чуркайм деген жарандар үчүн жалгыз эле "Спартак" стадионунда шарт түзүлгөн. Мындай пикирин Айгерим Моношбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, мамлекет чуркоо жаатына көңүл бурууга тийиш.

"Спорттун чуркоо түрү боюнча иш-чараларды уюштуруп келгендер өздөрүнүн арабасын өздөрү сүйрөп жатат. Аларга мамлекет колдоо көрсөтпөй эле. Мисалы, футбол жаатында бир катар иштер аткарылып, элдин кызыгуусу ойгоно баштады. Жеңил атлетикага да ошондой көңүл бөлүнүшү керек. Бизде спорттун аталган түрүнө кызыккан шаар тургундары үчүн жалгыз эле "Спартак" стадиону бар. Мисалы, Түркияда тротуарларда чуркагандарга атайын жол каралган. Ал эми биздикилер кайсы жерде тегиз жол болсо ошол жерде чуркап жатышат", — деди Моношбекова.

Ал 8-июнда Бишкекте түнкү марафон өтө турганын кошумчалады.

Sputnik Кыргызстан маалымат агенттиги жана радиосу түнкү жарыштын эл аралык медиа өнөктөшү.

Тема боюнча

Өзбекстанда министрлик элин арыктоого чакырды
Белгилер:
чуркоо, жарыш, Спорт

ЭҢ МААНИЛҮҮ