17:03 01 Чын Куран 2020
Түз эфир
  • USD82.2000
  • EUR90.0665
  • RUB1.0389

Жумашев: акы алынчу унаа токтотмолору транспорт маселесин жоёт

Радио
Кыскача шилтеме алуу
110 0 0

Бишкек мэриясынын муниципалдык унаа токтотуучу жайлар департаментинин директору Дамир Жумашев унаа токтотуучу жайларда акы төлөтүп, акча чогултуу башкы максат эмес экендигин айтты.

Жумашев: акы алынчу унаа токтотмолору транспорт маселесин жоёт

Калаадагы унаа токтотуучу жайларда акы төлөнө баштаса алардын башаламан жайгашуусу, көзөмөлдүн жоктугу, авариялык кырдаал сыяктуу көйгөйлөр жоюлат. Бул тууралуу Дамир Жумашев Sputnik Кыргызстан радиосуна маек куруп жатып билдирди.

Анын айтымында, унаа токтотуучу жайларды уюштуруу укугу аукцион аркылуу берилет.

"Унаа токтотуучу жайлардан акы алуу демилгеси "Коопсуз шаар" долбоорунун алкагында ишке ашканы жатат. Учурда ал коомдук кароодон өтүүдө. Кийин аны Бишкек шаардык кеңешине долбоор иретинде сунуштайбыз. Кабыл алынса, демилге эки этап менен ишке ашат. Биринчи баскычта унаа токтой турчу жайларда тийиштүү шарттарды түзүп, белгилерди коюу менен бирге көзөмөл камераларын орнотуу каралган. Бул аракеттер ийгиликтүү ишке ашса, экинчи этап менен көп кабаттуу унаа токтой турчу жайларды куралы деп пландап жатабыз. Мындай кадамдар шаардагы унаа тыгынын азайтып, аны менен бирге жол эрежелеринин бузулушун жоёт деген ишеним бар. Андан сырткары, автоунаанын уурдалышын алдын алабыз. Негизи башка өлкөлөрдө унаа токтой турчу жайларда акы төлөө милдеттүү түрдө жүргүзүлөт. Себеби бул дагы кошумча киреше болуп саналат", — деди Жумашев.

Ошондой эле ал долбоор ишке аша турган болсо, жыл сайын шаардык бюджетке 100 миллион сом киреше түшүп турарын кошумчалады.

Тема боюнча

Койчубаков: октябрдан тарта коомдук транспорт электрондук системага өтөт
Белгилер:
долбоорлор, унаа токтотуучу жай, акы

ЭҢ МААНИЛҮҮ