21:46 21 Бугу 2019
Түз эфир
  • USD69.8500
  • EUR77.8618
  • RUB1.0823
Мамлекеттик тил боюнча улуттук комиссиянын башкы адиси Нурзат Асанбекова
© Sputnik / Досхан Нусупбеков

Асанбекова: "Манас таануу" мамлекеттик тилдин өнүгүшүнө өбөлгө болууда

Радио
Кыскача шилтеме алуу
107 0 0

Мамлекеттик тил боюнча улуттук комиссиянын башкы адиси Нурзат Асанбекова Манас таануу илими жаштардын тилге болгон кызыгуусун арттырып жаткандыгын айтты.

"Манас таануу" илими жана "Манас таануу" интеллектуалдык телетаймашы мамлекеттик тилдин өнүгүшүнө чоң өбөлгө болууда. Бул тууралуу Нурзат Асанбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, келечек муундун өкүлдөрүнүн арасында мамлекеттик тилди өздөштүрүүгө болгон кызыгууну учурдагы модага айландыруу керек.

"Жаштардын "Манас таануу" илимине болгон кызыгуусун арттыруу максатында эпосту изилдөө боюнча сынак жарыялаганбыз. Бул долбоордун алкагында илимий эмгектер кыргыз тилинде жазылып, эки китеп жарык көрдү. Ошондой эле үч жылдан бери "Манас таануу" интеллектуалдык телетаймашы өткөрүлүп келет. Ага жыл сайын он миңден ашуун окуучу катышып, эпосту өздөштүрүү менен бирге сөз байлыгын да арттырышууда. Телетаймаштын жүрүшүндө окуучулар "сөз куржуну" аттуу бөлүктөн эпосто кездешкен макал-лакап, сөз айкалыштарын чечмелеп беришет. Алардын такалбай, ар бир суроого так жана жеткиликтүү жооп бергени бизди абдан кубандырууда. Жаштардын эпосту өздөштүрүүгө дилгирлиги мактоого татыйт. Жалпы жонунан "Манас таануу" илими кыргыз тилин дагы да байытып, аны жайылтууга жана өнүктүрүүгө абдан жакшы мүмкүнчүлүктөрдү түзүүдө деп толук айтууга болот", — деди Асанбекова.

Ошондой эле ал учурда өтүп жаткан "Сабаттуу бол" акциясы жыйынтыкталгандан кийин, июнь айында Мамлекеттик тил боюнча улуттук комиссиясы тарабынан илимий конференция өтө тургандыгын кошумчалады.

Тема боюнча

Ишекеев: мамлекеттик тил — улуттун коду жана мамлекеттин жүрөгү
Белгилер:
долбоорлор, Өнүгүү, мамлекеттик тил, Манас эпосу

ЭҢ МААНИЛҮҮ