23:40 22 Теке 2019
Түз эфир
  • USD69.6480
  • EUR78.1346
  • RUB1.1059
Туруктуу өнүгүү альянсынын негиздөөчүсү Азамат Темиркулов
© Sputnik / Табылды Кадырбеков

Темиркулов: "Туруктуу өнүгүү альянсы" үч багытта иш алып барат

Радио
Кыскача шилтеме алуу
47 0 0

"Туруктуу өнүгүү альянсынын" негиздөөчүсү Азамат Темиркулов бирикме өлкөдө жашыл экономиканы өнүктүрүү багытында түзүлгөндүгүн айтты.

"Туруктуу өнүгүү альянсы" жашыл экономикага кирген бардык тармактарда комплекстүү иш алып барат. Бул тууралуу Азамат Темиркулов Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, буга чейин жашыл экономика менен алектенген бирикме, уюм, ишкерлер чогуу-чаран иш алып барып, бири-бири менен катташчу эмес. Эми альянстын түзүлүгөнү жапа тырмак иш алып барууга мүмкүнчүлүк жаратат.

"Туруктуу өнүгүү альянсы" негизги үч багытта иш алып барат: Биринчиси — түздөн-түз жашыл экономика менен алектенген ишкер жана уюмдар менен аталган тармактын өнүгүшүн шарттай турчу мыйзам долбоорлорун иштеп чыгуу. Бул жерде аталган тармакты жакшы билген адистердин тажрыйбасы эске алынат. Экинчиси — жашыл экономиканы коомчулукка ачыктап жеткирүү. Азыркы тапта элдин пикири абдан маанилүү. Бул жерде да кесипкөй серепчилер иш алып барышы керек. Үчүнчүсү — өлкө аймагы боюнча жашыл экономика жаатында эмгектенген бардык эксперт, адис, ишкерлердин башын бириктирүү. Себеби буга чейин ар ким өзү менен өзү болчу. Ал эми жашыл экономиканын курамына экология, өндүрүш, айыл чарба сыяктуу дагы бир топ тармактар камтылат. Мындан улам комплекстүү иш алып баруу зарыл. Эми "Туруктуу өнүгүү альянсы" негизделгени жашыл экономика жаатындагы көптөгөн маселе чечилет деген илгери үмүт бар", — деди Темиркулов.

Ошондой эле ал өлкөдө жашыл экономиканы өнүктүрүүгө бардык шарттар түзүлгөнүн кошумчалады.

Тема боюнча

Темиркулов: жашыл экономика — бир өлкөнүн эле эмес, дүйнөнүн көйгөйү
Белгилер:
альянс, Өнүгүү, жашыл экономика, Азамат Темиркулов

ЭҢ МААНИЛҮҮ